Tanymal telejýrnalıst Ashat Sadyrbaıdyń ekinshi áıeli Aıǵanym Bolatqyzy Kyn.kz YouTube arnasyna suhbat berip, burynǵy kúıeýinen kórgen qorlyqtary týraly aıtyp berdi, dep habarlaıdy “Adyrna” ulttyq portaly.
Aıtýynsha, ekeýi 5 jyl buryn ajyrasyp ketken, alaıda eks-kúıeýi áli kúnge deıin ne ózine, ne áke-sheshesine, týystaryna maza bermeı keledi.
«Ashat jol apatynan soń, biraz qalada turyp, biz aýylǵa kettik. Keıinnen ol baldaqpen júre bastady. Men balany emizip jatqanda enem Ashatqa baryp, «balany bermeı jatyr» degen. Sol kezde Ashat kelip baldaǵymen meni uratyn», - deıdi kelinshek.
Onyń aıtýynsha, Ashat Sadyrbaı otbasynda bolǵan kıkiljińdi sheshý úshin birden anasyna habarlasyp otyrǵan.
«Jańadan úı alyp, Astanaǵa kóshtik. Ár urys bolǵan saıyn anasyna habarlasatyn. Anasy da júgi jınalyp, kelýge daıyn turatyn. Birnárseni sheshýdi anasyna ysyryp qoıatyn. Aramyzǵa túsip, biz eshteńeni sheshe almaıtynbyz. Kóp renjitken soń men úıime ketip qaldym. Ol keshirim surap keletin», - deıdi Aıǵanym Bolatqyzy.
Jýrnalıstiń eks-áıeli ajyrasýǵa ótinishtiń qalaı berilgenin aıtyp berdi.
«Keshirim surap kelgen saıyn qaıtyp baratynmyn. Sońynda ata-anam jibergisi kelmedi. Biraq men eshkimniń sózine qaramaı qaıta bardym. Biraq barǵanda ózimdi bir apanǵa tastaǵandaı boldym. 2019 jyly úıde taǵy bir urys bolyp, aýyr sózder aıtady. Typ-tynysh júrgen balaǵa da tıisip, jylatady. Ol aıaq kıim laqtyryp, meniń betime tıedi. Sol sátte ashýlanyp barsam, esiktiń áınegi qolyma kirip, qan aǵady. Sol kezden keıin ol sotqa ajyrasýǵa ótinish bergen eken. Tipti, úıge kamera qoıyp, menen balany alyp qoıýǵa áreket etken», - deıdi Ashat Sadyrbaıdyń burynǵy áıeli.
Aıta keteıik, Ashat Sadyrbaıdyń alǵashqy áıeli tanymal ánshi Erke Esmahan bolǵan.
