Almaty oblysynda jas ana 6- qabattan qulap, mert boldy, dep habarlaıdy “Adyrna” ulttyq portaly Todayinfo saıtyna siltep.
Marqumnyń áke-sheshesi sot saraptamasynyń sheshimimen kelispeı, «morgten» qyzdaryn almaı otyr. Qaıtys bolǵan Ajar Táýekelqyzy 2004 jyly týǵan. Eki jyl buryn mektepte ózimen birge oqyǵan jigitke turmysqa shyqqan. Alaıda turmys qurǵaly taıaqtan kóz ashpaǵan.
«Qyzymnyń kórgen kúni kún bolmady. Artynda bir jastaǵy uly jetim qaldy. Talaı ret taıaq jedi. Kúıeýi araq ishedi, sheshesimen qosylyp araq ishedi. Ekeýi eki jaqtap qyzyma kún kórsetpedi. Bir ret taldyryp uryp tastapty. Únemi qylqyndyryp uratyn, oǵan myna sýretter dálel, qyzym jibergen. Osy joly mereke qarsańynda taǵy qandaı lań salǵany belgisiz, aqyry qyzymnyń túbine jetti. Buǵan deıin taǵy bir ret urǵanda qyzym esinen tanyp qalǵan. Kúıeýiniń aty Nádirbek. Ekeýi biraz ýaqyt Aqtaýda turdy, sol kezde de osylaı urǵan», — dedi marqumnyń anasy Gúljan Jaqyp.
Jábirlenýshi Gúljan mektepte muǵalim, qyzynyń kúıeýi tarapynan jıi soqqyǵa jyǵylǵanyn aıtady. Qyzyn birneshe ret úıine de ákelip alǵan kezderi bolypty. Alaıda kúıeý balasy eki-úsh aıdan soń keshirim surap, qyzyn qaıtadan alyp ketken.
«Oqıǵa keshe tústen keıin saǵat 15.00-16.00 aralyǵynda bolǵan. Qyzym osy jigitke tıem dep kúsh bermegen soń amalsyz kóngen edik. Barǵaly birneshe ret taıaq jedi. Qyzym ózdiginen óle qoıatyn adam emes. Mynalar taǵy uryp, balkonnan laqtyryp jiberdi degen kúdigim de bar. Jaıdan jaı sýııd jasamaıdy qyzym, ábden qorlap túńildirgen. Sot saraptamasy bizge qyzymyzdyń denesin bermeı qoıyp edi, qarsy tarap advokat jaldap, qyzymdy «ózi óldi» qylyp qaǵaz jazǵyzyp alypty. Keshe qyzymnyń enesi de, kúıeý bala da ishimdik ishken eken. Endi búgin aýrýhanadaǵylar qyzdaryńnyń denesin jyldam alyp ketińder dep jatyr. Biz olardyń eshqandaı soqqy almaǵan, ózi ólgen degen qorytyndysymen kelispeımiz. Qyzymdy kúıeýi únemi urǵan. Ony menen jasyryp aıtpaı kelgen. Kúıeý bala sheshesimen birge úılerge remont jasaıdy, Qaraqalpaqstannan kóship kelgender», — dedi marqumnyń ákesi Táýekel Jekebaıuly.
Oqıǵany Almaty oblystyq polıııa departamenti rastady. Qazirgi ýaqytta tergeý amaldary júrip jatyr.
«Polıııa bul fakti boıynsha qylmystyq is qozǵady. Oqıǵanyń sebepteri men mán-jaıyn anyqtaý úshin qajetti tergeý áreketteri júrgizilýde. Tergeý múddesindegi basqa aqparat jarııa etilmeıdi», — dep habarlady oblystyq PD baspasóz qyzmeti.
Qyzdyń ata-anasy bir kún buryn qyzdary enesiniń dostaryn kútý úshin asyǵyp ketip qalǵanyn aıtady.
«Qyzym mereke kúni apasyn quttyqtap kelgen, kúıeýi kelgen soń asyǵyp ketip qalǵan. Bizge enesiniń dostary úıge keletinin, olardy kútý úshin dastarhan jasap, daıyndalatynyn aıtqan. Iaǵnı, taǵyda ishimdik ishilgen, qansha adamdy kútkenin bilmeımiz. Qyzym ózi ishimdikke joq, jas balasy bar. Erteńinde túsken keıin qyzymnyń qaıtys bolǵanyn estidik. Enesi ajyrasqan, ishimdikke jaqyn, qyzyma ne istegenderi belgisiz. Kúıeýi osy joly urǵan bolýy múmkin», — dedi marqumnyń anasy.
