Almaty oblysynda jas ana 6- qabattan qūlap, mert boldy, dep habarlaidy “Adyrna” ūlttyq portaly Todayinfo saityna sıltep.
Marqūmnyŋ äke-şeşesı sot saraptamasynyŋ şeşımımen kelıspei, «morgten» qyzdaryn almai otyr. Qaitys bolǧan Ajar Täuekelqyzy 2004 jyly tuǧan. Ekı jyl būryn mektepte özımen bırge oqyǧan jıgıtke tūrmysqa şyqqan. Alaida tūrmys qūrǧaly taiaqtan köz aşpaǧan.
«Qyzymnyŋ körgen künı kün bolmady. Artynda bır jastaǧy ūly jetım qaldy. Talai ret taiaq jedı. Küieuı araq ışedı, şeşesımen qosylyp araq ışedı. Ekeuı ekı jaqtap qyzyma kün körsetpedı. Bır ret taldyryp ūryp tastapty. Ünemı qylqyndyryp ūratyn, oǧan myna suretter dälel, qyzym jıbergen. Osy joly mereke qarsaŋynda taǧy qandai laŋ salǧany belgısız, aqyry qyzymnyŋ tübıne jettı. Būǧan deiın taǧy bır ret ūrǧanda qyzym esınen tanyp qalǧan. Küieuınıŋ aty Nädırbek. Ekeuı bıraz uaqyt Aqtauda tūrdy, sol kezde de osylai ūrǧan», — dedı marqūmnyŋ anasy Güljan Jaqyp.
Jäbırlenuşı Güljan mektepte mūǧalım, qyzynyŋ küieuı tarapynan jiı soqqyǧa jyǧylǧanyn aitady. Qyzyn bırneşe ret üiıne de äkelıp alǧan kezderı bolypty. Alaida küieu balasy ekı-üş aidan soŋ keşırım sūrap, qyzyn qaitadan alyp ketken.
«Oqiǧa keşe tüsten keiın saǧat 15.00-16.00 aralyǧynda bolǧan. Qyzym osy jıgıtke tiem dep küş bermegen soŋ amalsyz köngen edık. Barǧaly bırneşe ret taiaq jedı. Qyzym özdıgınen öle qoiatyn adam emes. Mynalar taǧy ūryp, balkonnan laqtyryp jıberdı degen küdıgım de bar. Jaidan jai suisid jasamaidy qyzym, äbden qorlap tüŋıldırgen. Sot saraptamasy bızge qyzymyzdyŋ denesın bermei qoiyp edı, qarsy tarap advokat jaldap, qyzymdy «özı öldı» qylyp qaǧaz jazǧyzyp alypty. Keşe qyzymnyŋ enesı de, küieu bala da ışımdık ışken eken. Endı bügın auruhanadaǧylar qyzdaryŋnyŋ denesın jyldam alyp ketıŋder dep jatyr. Bız olardyŋ eşqandai soqqy almaǧan, özı ölgen degen qorytyndysymen kelıspeimız. Qyzymdy küieuı ünemı ūrǧan. Ony menen jasyryp aitpai kelgen. Küieu bala şeşesımen bırge üilerge remont jasaidy, Qaraqalpaqstannan köşıp kelgender», — dedı marqūmnyŋ äkesı Täuekel Jekebaiūly.
Oqiǧany Almaty oblystyq polisiia departamentı rastady. Qazırgı uaqytta tergeu amaldary jürıp jatyr.
«Polisiia būl faktı boiynşa qylmystyq ıs qozǧady. Oqiǧanyŋ sebepterı men män-jaiyn anyqtau üşın qajettı tergeu äreketterı jürgızılude. Tergeu müddesındegı basqa aqparat jariia etılmeidı», — dep habarlady oblystyq PD baspasöz qyzmetı.
Qyzdyŋ ata-anasy bır kün būryn qyzdary enesınıŋ dostaryn kütu üşın asyǧyp ketıp qalǧanyn aitady.
«Qyzym mereke künı apasyn qūttyqtap kelgen, küieuı kelgen soŋ asyǧyp ketıp qalǧan. Bızge enesınıŋ dostary üige keletının, olardy kütu üşın dastarhan jasap, daiyndalatynyn aitqan. Iаǧni, taǧyda ışımdık ışılgen, qanşa adamdy kütkenın bılmeimız. Qyzym özı ışımdıkke joq, jas balasy bar. Erteŋınde tüsken keiın qyzymnyŋ qaitys bolǧanyn estıdık. Enesı ajyrasqan, ışımdıkke jaqyn, qyzyma ne ıstegenderı belgısız. Küieuı osy joly ūrǧan boluy mümkın», — dedı marqūmnyŋ anasy.
