Izraıldik El Al áýe kompanııasy Sheshenstanǵa ushqan Azerbaijan Airlines ushaǵynyń qulaýyna baılanysty Máskeýge ushatyn barlyq reısterdi toqtatty, dep habarlaıdy “Adyrna” ulttyq portaly Orda.kz saıtyna siltep.
Aqparat boıynsha, Aqtaý mańyna qulaǵan ushaqtyń apatqa ushyraý sebebine Reseıdiń tikeleı qatysy bolýy múmkin. Sondyqtan ızraıldik El Al áýe kompanııasy Tel-Avıvten Máskeýge ushýdy toqtatý týraly sheshim qabyldaǵanyn jarııalady. Mundaı sheshim Bakýden Groznyıǵa ushqan ushaq apatqa ushyraǵannan keıin qabyldandy.
Eske salsaq, Reuters basylymy Ázerbaıjandaǵy tergeýmen tanys 4 derekkózge silteme jasap, ushaqty reseılik «Panır-S» áýe qorǵanys júıesi atyp túsirgenin habarlady.
