25 jeltoqsan künı Aqtau qalasy maŋynda oryn alǧan äue apaty kezınde bortserık Hokuma Älieva ūşaqtaǧy jolauşylardy sabyrǧa şaqyryp, batyldyq tanytqan. Bılıktı bortserık qaza tapty, dep habarlaidy "Adyrna" ūlttyq portaly apa.az basylymyna sılteme jasap.
33 jastaǧy Hokuma Älieva – Azerbaijan Airlines (AZAL) äuekompaniiasynyŋ qyzmetkerı. Ol osy salada 9 jyldyq täjıribesı bar bılıktı bortserık bolǧan.
"Hokuma ūşaq qūlap bara jatqanda jolauşylarǧa "bärı jaqsy bolady" dep, olardy tynyştandyryp, sabyrǧa şaqyrǧan," – dep jazdy basylym.Hokuma 6 jasyna deiın Reseide bılım alyp, keiın Äzerbaijanǧa oralyp, zaŋger mamandyǧyn tämamdaǧan. Äkesınıŋ aituynşa, qyzy ärdaiym meiırımdı ärı maqsatyna jetuge ūmtylǧan jan bolǧan.
"Ol är sapardan qaityp kelgende, bızdı maqtan tūtqanyŋyzdy qalaimyn dep aitatyn. Bır künı qaityp kelıp, ūşaqtary qūlai jazdaǧanyn aitqan edı... Bıraq būl joly menıŋ qyzym oralmady," – deidı marqūmnyŋ äkesı.Aita keteiık, Aqtauda qūlaǧan ūşaqta barlyǧy 67 adam, onyŋ ışınde 5 ekipaj müşesı bolǧan. Qaza tapqandar sany – 38 adam. 29 adam jaraqat alyp, auruhanaǧa jetkızıldı, olardyŋ ışınde ekı bala bar. Jolauşylardyŋ arasynda 6 Qazaqstan, 42 Äzerbaijan, 3 Qyrǧyzstan jäne 16 Resei azamaty bolǧan. Qaza bolǧan qazaqstandyqtardyŋ aty-jönderı resmi türde jariialandy. Apattyŋ sebepterın anyqtau maqsatynda Ükımettık komissiia qūrylyp, qylmystyq ıs qozǧaldy.
Ūqsas jaŋalyqtar
