Qyrǵyzstan parlamentinde talqylanyp jatqan «Dinı senim bostandyǵy jáne dinı birlestikter týraly» jańa zań jobasynda memlekettik organdar men qoǵamdyq oryndarda nıkab nemese parandja kııýge tyıym salynýy múmkin. Bul talapty buzǵandarǵa 20 myń som kóleminde aıyppul salý usynylǵan, dep habarlaıdy "Adyrna" ulttyq portaly.
Ákimshilik quqyq buzýshylyqtar týraly kodekske 127.1-bapty engizý usynyldy. Bapqa sáıkes, adamnyń jeke basyn anyqtaýǵa kedergi keltiretin kıim kııýge shekteý qoıylady.
Depýtat Dastan Bekeshev aıyppuldyń mólsherin synǵa aldy.
“Nıkabty kóbinese áleýmettik turǵydan osal áıelder kıedi. 20 myń som aıyppul olarǵa aýyr júk bolady. Al joǵary tabysy bar áıelder arasynda nıkab kıetinder sırek kezdesedi,” – dep málimdedi ol.
Din isteri jónindegi memlekettik komıssııa buǵan deıin nıkabqa tyıym salatyn normany alyp tastaý týraly usynys bildirgen edi. Olar bul sheshimniń demokratııa prınıpterine qaıshy ekenin aıtty.
Alaıda zań jobasynyń avtorlary bul pikirmen kelispeı, shekteý tek jeke basyn anyqtaýǵa múmkindik bermeıtin kıimderge qatysty ekenin alǵa tartty.
Parlamentte dinı saladaǵy zańdarǵa ózgerister engizý týraly zań jobasy ekinshi oqylymda qaralady.
