Jambyl oblysynda polıııa qyzmetkerleri sybaılas jemqorlyq shemasyna qatysy bar degen kúdikke ilindi, dep habarlaıdy "Adyrna" ulttyq portaly Tengrinews.kz-ke siltep.
Bul týraly Sybaılas jemqorlyqqa qarsy qyzmettiń resmı ókili Danııar Begaıdarov málimdedi.
"Sybaılas jemqorlyqqa qarsy qyzmet Jambyl oblysynyń shekaralas aýdandarynyń biriniń polıııa qyzmetkerleriniń qylmystyq áreketin toqtatty. Olar Qazaqstan Respýblıkasynan janar-jaǵarmaı materıaldaryn zańsyz shyǵaryp, shetel azamattarynan zańsyz materıaldyq syıaqylar alǵan dep kúdikke ilindi", – dedi Begaıdarov Antıkorda ótken brıfıngte.
Habarlanǵandaı, olardyń zańsyz áreketteriniń nátıjesinde kórshi memleket azamattary munaı ónimderiniń kontrabandasyn uıymdastyrǵan.
"Tergeý áreketteri kezinde kúdiktilerdiń biri sybaılas jemqorlyqqa qarsy qyzmet ókilderine qarsylyq kórsetip, qyzmettik qarýdy qoldanǵan. Sot sankııasymen qamaýǵa alyndy. Tergeý jalǵasýda", – dep qosty Antıkor ókili.
