Käsıpker Qanat Ämırkin Nyǧmatulinderdıŋ reiderlık şabuylyna ūşyraǧanyn aitty

Käsıpker Qanat Ämırkin jol qūrylys kompaniiasynyŋ reiderlıkke ūşyraǧanyn aityp berdı, dep habarlaidy "Adyrna" ūlttyq portaly QazTAG agenttıgıne sılteme jasap.  «Köpşılıgıŋız Nyǧmatulinder otbasyn bılesızder. Mıne, sol otbasynyŋ ülken ūly menıŋ ırı milliondaǧan kelısımşarty bar jol-qūrylys kompaniiamdy tartyp aldy. Ol menı Qazaq Banki bankınen nesie aluǧa mäjbürledı. Keiın būl bank bankrotqa ūşyrap, özımen bırge menıŋ aqşamdy jäne kepılge qoiylǧan mülıktı alyp kettı. Sonyŋ ışınde avtosalon saluǧa arnalǧan jer uchaskesı de bar. Sonymen qatar, olar menı bank kepıldıgı boiynşa da aila-şarǧyǧa saldy», – dep jazdy Qanat Ämırkın özınıŋ Facebook paraqşasynda. Onyŋ aituynşa, ol nesie räsımdegenımen, būl oqiǧa mūnymen aiaqtalmaǧan. Odan qolma-qol aqşa talap etken. Käsıpker otbasyna qauıp töngendıkten Qazaqstannan ketuge mäjbür bolǧanyn aitty. «Olar özderı qaşqynǧa ainalǧanda, Dubaiǧa menımen kezdesuge kelıp, "dau-damaidy doǧaraiyq" dep ötındı. Kezdesu barysynda men oǧan tek kölık türınde ǧana 7-8 million dollar kölemınde qarajat alǧanyn esıne saldym. Būǧan ol, jartysy ǧana özıne jetkenın, qalǧanyn kömekşılerı alǧanyn aitty. Menıŋ elden mäjbürlı türde ketkenımnen keiın, kompaniia mülkıne bailanysty jinalǧan salyq qaryzyn salyq organy menıŋ moinyma ılmek bolǧanda, men oǧan qoŋyrau şaldym. Mūnyŋ şekten şyqqan äreket ekenın aityp, salyqty özderınıŋ jabuyn ūsyndym. Öitkenı bärın tartyp aldy. "Maǧan bärıbır, men endı Qazaqstannyŋ azamaty emespın. Mäseleŋdı özıŋ şeş" dep qysqa ǧana jauap berdı. Osyndai deŋgeidegı sinizm men jauapsyzdyq... Mūndai adamdar bilıkte qalai bolǧan?» – dep äŋgımeledı käsıpker. Keiın Ämırkin Qazaqstanǧa oralǧan. Al 25 jeltoqsanda sot ony 239 million teŋge salyqty jäne 7 million teŋge baj salyǧyn töleuge mındettedı.