Kásipker Qanat Ámirkın jol qurylys kompanııasynyń reıderlikke ushyraǵanyn aıtyp berdi, dep habarlaıdy "Adyrna" ulttyq portaly QazTAG agenttigine silteme jasap.
«Kópshiligińiz Nyǵmatýlınder otbasyn bilesizder. Mine, sol otbasynyń úlken uly meniń iri mıllıondaǵan kelisimsharty bar jol-qurylys kompanııamdy tartyp aldy. Ol meni Qazaq Banki bankinen nesıe alýǵa májbúrledi. Keıin bul bank bankrotqa ushyrap, ózimen birge meniń aqshamdy jáne kepilge qoıylǵan múlikti alyp ketti. Sonyń ishinde avtosalon salýǵa arnalǵan jer ýchaskesi de bar. Sonymen qatar, olar meni bank kepildigi boıynsha da aıla-sharǵyǵa saldy», – dep jazdy Qanat Ámirkin óziniń Facebook paraqshasynda.
Onyń aıtýynsha, ol nesıe rásimdegenimen, bul oqıǵa munymen aıaqtalmaǵan. Odan qolma-qol aqsha talap etken. Kásipker otbasyna qaýip tóngendikten Qazaqstannan ketýge májbúr bolǵanyn aıtty.
«Olar ózderi qashqynǵa aınalǵanda, Dýbaıǵa menimen kezdesýge kelip, "daý-damaıdy doǵaraıyq" dep ótindi. Kezdesý barysynda men oǵan tek kólik túrinde ǵana 7-8 mıllıon dollar kóleminde qarajat alǵanyn esine saldym. Buǵan ol, jartysy ǵana ózine jetkenin, qalǵanyn kómekshileri alǵanyn aıtty. Meniń elden májbúrli túrde ketkenimnen keıin, kompanııa múlkine baılanysty jınalǵan salyq qaryzyn salyq organy meniń moınyma ilmek bolǵanda, men oǵan qońyraý shaldym. Munyń shekten shyqqan áreket ekenin aıtyp, salyqty ózderiniń jabýyn usyndym. Óıtkeni bárin tartyp aldy. "Maǵan báribir, men endi Qazaqstannyń azamaty emespin. Máseleńdi óziń shesh" dep qysqa ǵana jaýap berdi. Osyndaı deńgeıdegi ınızm men jaýapsyzdyq... Mundaı adamdar bılikte qalaı bolǵan?» – dep áńgimeledi kásipker.
Keıin Ámirkın Qazaqstanǵa oralǵan. Al 25 jeltoqsanda sot ony 239 mıllıon teńge salyqty jáne 7 mıllıon teńge baj salyǵyn tóleýge mindettedi.
