Aqtaý áýejaıynda áýe kemelerine tehnıkalyq qyzmet kórsetý jáne jóndeý ortalyǵy salynady. Bul týraly kólik mınıstri Marat Qarabaev 23 jeltoqsanda Májiliste ótken jıynda aıtty, dep habarlaıdy “Adyrna” ulttyq portaly.
Mınıstrdiń aıtýynsha, jóndeý jáne oqý bazasyn túrik kompanııalary YDA, Turkish Technic jáne ASFAT salýdy josparlap otyr.
«Tehnıkalyq qyzmet kórsetý ortalyǵy Qazaqstan, Reseı jáne Ortalyq Azııa elderiniń azamattyq jáne áskerı áýe kemelerine qyzmet kórsetetin bolady. Memleketimizdiń, Reseı Federaııasynyń, Ózbekstannyń, Túrkimenstannyń, Qyrǵyzstannyń jáne Tájikstannyń azamattyq avıaııasynyń 411 jolaýshy ushaǵy bar», - dedi mınıstr.
Karabaevtyń pikirinshe, Aqtaý áýejaıy — perspektıvti mýltımodaldy avıaııalyq hab.
«Onyń basty artyqshylyǵy – kóliktiń barlyq túrlerine qoljetimdilik jáne Eýropaǵa jaqyndyǵy – bar bolǵany 3 saǵattyq reıs. Jańǵyrtý nátıjesinde áýejaıdyń júk tasymaldaý múmkindigi jylyna 200 myń tonnaǵa deıin artyp, jyldyq aınalymy 520 mıllıard teńgeni quraıtyn bolady», - dedi Qarabaev.
Eske salsaq, 2024 jyldyń sáýirinde Qazaqstannyń premer-mınıstri Oljas Bektenov Túrkııa prezıdenti Rejep Taıyp Erdoǵanmen kezdesti. Kezdesýge YDA Holding qurylys kompanııalar tobynyń basqarma tóraǵasy Hýseın Arslan da qatysty. Jıynda Qazaqstan men Túrkııa arasyndaǵy birlesken jobalar talqylandy. Buǵan deıin YDA Túrkistan halyqaralyq áýejaıyn salǵan bolatyn.
