Jambyl oblysynyń turǵyny eńbek kitapshasyndaǵy teginiń durys jazylmaýyna baılanysty zeınetaqy tólemin berýden bas tartqandyqtan sotqa júgindi, dep habarlaıdy "Adyrna" ulttyq portaly.
Azamattyq is Jýaly aýdandyq sotynda qaraldy.
"Talapker B. 1985-1998 jyldary Jýaly aýdanynyń "P" ujymdyq sharýashylyǵynda túrli mamandyqtar boıynsha jumys istegen. Qujattardy rásimdeý barysynda Zeınetaqy tóleý ortalyǵy eńbek kitapshasyndaǵy famılııanyń durys jazylmaýyn alǵa tartyp, tólem jasaýdan bas tartqan", – dep málimdedi sottyń baspasóz qyzmeti.
Is qaraý barysynda sot er adamnyń aty-jóni men atalǵan sharýashylyqta jumys istegen jyldary kórsetilgen arhıv anyqtamasynyń bar ekenine nazar aýdardy.
Talap qanaǵattandyrylyp, eńbek kitapshasynyń talapkerge tıesili ekeni tanyldy.
Sot sheshimi zańdy kúshine engen joq.
