Resei prezidentı Vladimir Putin jyldyq esep beru kezınde eŋbek migranttary turaly pıkırın bıldırıp, būl mäselege jüielı türde qarau kerektıgın atap öttı, dep habarlaidy “Adyrna” ūlttyq portaly.
Ol bır jaǧynan bılıktılıgı joq jūmystarǧa qajettılıktı azaitu kerek ekenın aitsa, ekınşı jaǧynan, Reseige jūmys ızdep kelgen migranttardy aldyn ala daiyndau maŋyzdy ekenın mälımdedı.
"Ortalyq Aziia elderınde orys mektepterınıŋ jelısın aşyp, bolaşaq migranttardy Reseidıŋ mädenietımen, qūndylyqtarymen jäne zaŋdarymen tanystyru qajet. Sonymen qatar, elde jürgen şeteldıkterge qoiylatyn talaptardy küşeitu kerek," — dedı Putin.Prezident būl baǧyttaǧy şaralardyŋ bırı retınde orys tılın bılmeitın balalardy mektepke qabyldamauǧa mümkındık beretın zaŋdy mysalǧa keltırdı. Onyŋ aituynşa, būl migranttardyŋ qoǧamǧa sättı beiımdeluıne yqpal etedı. Osyǧan bailanysty Resei men Qazaqstan arasynda üş öŋırde jaŋa orys mektepterın aşu turaly kelısım jasalǧany belgılı boldy. Türkıstan, Taraz jäne Qyzylorda qalalarynda salynatyn būl mektepterdıŋ qūrylysy jönınde Qazaqstannyŋ Bılım ministrlıgı naqty aqparat ūsyndy. Jurnalisterdıŋ sūraǧyna jauap bergen ministrlık būl mektepterdıŋ qarjylandyru közderı boiynşa talqylaular jürıp jatqanyn aitty. Qazaqstanda mūndai bılım ordalarynyŋ aşyluy qoǧamda ärtürlı pıkırler tudyruda, al sarapşylar olardyŋ ūzaq merzımdı äserın talqylap jatyr.
Ūqsas jaŋalyqtar
