AQŞ-ta OpenAI-dı ChatGPT üşın synaǧan būrynǧy qyzmetker ölı küiınde tabyldy

AQŞ-ta ChatGPT-ke qatysty zaŋ būzuşylyqtar üşın OpenAI kompaniiasyn aiyptaǧan būrynǧy qyzmetkerı ölı küiınde tabyldy, dep habarlaidy "Adyrna" ūlttyq portaly CNBC News agenttıgıne sılteme jasap. Suhir Balajidıŋ denesı bırneşe apta būryn San-Fransiskodaǧy päterınen tabylǧan. Būl turaly qalanyŋ bas sot-medisinalyq sarapşysy Devid Serrano Siuell habarlady. 26 jastaǧy Balaji 2024 jyly OpenAI-den jūmystan şyǧyp, kompaniiany AQŞ-tyŋ avtorlyq qūqyq turaly zaŋyn būzdy dep aiyptaǧan. Siuelldıŋ aituynşa, sot-medisinalyq sarapşylar Balajidıŋ öz-özıne qol jūmsaǧany turaly qorytyndy jasaǧan. OpenAI ökılı Balajidıŋ qaitys bolǧanyn rastady. "Bügın būl öte qaiǧyly habardy estıp, qatty küizeldık", – dep mälımdedı ol telearnaǧa bergen sūhbatynda. Suhir Balaji OpenAI-de tört jylǧa juyq uaqyt jasandy intellekt zertteuşısı bolyp jūmys ıstedı. Ol ChatGPT jasau kezınde paidalanylǧan ülken derekterdı jinauǧa jäne retteuge kömektesken. Tamyz aiynda jas jıgıt kompaniiadan kettı. Küzde ol The New York Times basylymyna sūhbat berıp, öz ideialas ärıptesterın onyŋ mysalyn qaitalauǧa şaqyrdy. Basylym Balajidıŋ pıkırın keltırıp, OpenAI ChatGPT-tı jasau barysynda avtorlyq qūqyqpen qorǧalǧan böten intellektualdyq menşıktı paidalanu arqyly zaŋdy būzǧanyn jazǧan. Ol mūndai tehnologiialar qoǧamǧa paidasynan görı ziianyn tigızedı dep mälımdedı. Sebebı olar adamdardyŋ, käsıporyndardyŋ jäne internet-servisterdıŋ "kommersiialyq ömırşeŋdıgın" būzady. Būlar öz kezegınde chat-bottardy oqytu üşın paidalanylǧan materialdardy jasaǧan. Soŋǧy ekı jylda jasandy intellekt tehnologiialaryn damytuǧa mamandanǧan kompaniialarǧa, sonyŋ ışınde OpenAI-ge, köptegen şaǧymdar tüsken. Şaǧymdardy baǧdarlamaşylar, suretşıler, dybys jazu kompaniialary, kıtap avtorlary jäne BAQ bergen. Olardyŋ arasynda amerikalyq käsıpker İlon Mask ta boldy. 2024 jyldyŋ aqpan aiynda ol OpenAI-dı şarttardy būzdy jäne bastapqyda adamzattyŋ igılıgı üşın jasandy intellekt tehnologiialaryn jasau missiiasynan bas tartty dep aiyptady. Alaida, mausym aiynda Mask öz şaǧymyn qaitaryp aldy.