AQSh-ta ChatGPT-ke qatysty zań buzýshylyqtar úshin OpenAI kompanııasyn aıyptaǵan burynǵy qyzmetkeri óli kúıinde tabyldy, dep habarlaıdy "Adyrna" ulttyq portaly CNBC News agenttigine silteme jasap.
Sýhır Balajıdiń denesi birneshe apta buryn San-Franıskodaǵy páterinen tabylǵan. Bul týraly qalanyń bas sot-medıınalyq sarapshysy Devıd Serrano Sıýell habarlady.
26 jastaǵy Balajı 2024 jyly OpenAI-den jumystan shyǵyp, kompanııany AQSh-tyń avtorlyq quqyq týraly zańyn buzdy dep aıyptaǵan. Sıýelldiń aıtýynsha, sot-medıınalyq sarapshylar Balajıdiń óz-ózine qol jumsaǵany týraly qorytyndy jasaǵan.
OpenAI ókili Balajıdiń qaıtys bolǵanyn rastady.
"Búgin bul óte qaıǵyly habardy estip, qatty kúızeldik", – dep málimdedi ol telearnaǵa bergen suhbatynda.
Sýhır Balajı OpenAI-de tórt jylǵa jýyq ýaqyt jasandy ıntellekt zertteýshisi bolyp jumys istedi. Ol ChatGPT jasaý kezinde paıdalanylǵan úlken derekterdi jınaýǵa jáne retteýge kómektesken.
Tamyz aıynda jas jigit kompanııadan ketti. Kúzde ol The New York Times basylymyna suhbat berip, óz ıdeıalas áriptesterin onyń mysalyn qaıtalaýǵa shaqyrdy. Basylym Balajıdiń pikirin keltirip, OpenAI ChatGPT-ti jasaý barysynda avtorlyq quqyqpen qorǵalǵan bóten ıntellektýaldyq menshikti paıdalaný arqyly zańdy buzǵanyn jazǵan. Ol mundaı tehnologııalar qoǵamǵa paıdasynan góri zııanyn tıgizedi dep málimdedi. Sebebi olar adamdardyń, kásiporyndardyń jáne ınternet-servısterdiń "kommerııalyq ómirsheńdigin" buzady. Bular óz kezeginde chat-bottardy oqytý úshin paıdalanylǵan materıaldardy jasaǵan.
Sońǵy eki jylda jasandy ıntellekt tehnologııalaryn damytýǵa mamandanǵan kompanııalarǵa, sonyń ishinde OpenAI-ge, kóptegen shaǵymdar túsken. Shaǵymdardy baǵdarlamashylar, sýretshiler, dybys jazý kompanııalary, kitap avtorlary jáne BAQ bergen.
Olardyń arasynda amerıkalyq kásipker Ilon Mask ta boldy. 2024 jyldyń aqpan aıynda ol OpenAI-di sharttardy buzdy jáne bastapqyda adamzattyń ıgiligi úshin jasandy ıntellekt tehnologııalaryn jasaý mıssııasynan bas tartty dep aıyptady. Alaıda, maýsym aıynda Mask óz shaǵymyn qaıtaryp aldy.
