Petropavl qalasynda belsendi Nurbol Ónerhan sot sheshimimen 15 táýlikke qamaýǵa alyndy. Bir kún buryn polıııa ony Soltústik Qazaqstan oblysyndaǵy úıinen alyp ketkeni anyqtalǵan, dep habarlaıdy "Adyrna" ulttyq portaly Azattyqqa silteme jasap.
Nurbol Ónerhanǵa «Beıbit jıyn ótkizý tártibin buzý» jáne «Polıııaǵa baǵynbaý» baptary boıynsha aıyp taǵyldy. Belsendiniń jaqtasy Amangeldi Jahınniń aıtýynsha, polıııa Nurbol Ónerhandy 20 qarashada Astanada oppozıııalyq «Alǵa, Qazaqstan» partııasy ádilet mınıstrligine tirkeý qujattaryn tapsyrǵan kúni "zańsyz akııa uıymdastyrdy" dep aıyptaǵan. Alaıda belsendi bul kúni Astanaǵa barmaǵan, sebebi ol syrqattanyp qalǵanyn habarlaǵan.
Amangeldi Jahınniń sózinshe, polıııa Nurbol Ónerhandy jaýapqa tartý úshin sáýir aıynda bolǵan jaǵdaıdy negizge alǵan. Sotqa deıin belsendiniń telefony óshirýli boldy, al onyń jaǵdaıy týraly qosymsha aqparat berilgen joq.
Quqyq qorǵaýshy Baqytjan Tóreǵojınniń málimdemesine sáıkes, Qazaqstanda 16 jeltoqsan – Táýelsizdik kúni men 4-5 qańtar kúngi Qańtar oqıǵalary qarsańynda belsendilerge qarsy «profılaktıkalyq áńgimeler» júrgizý úshin qamaý jáne ustaý áreketteri jıilep keledi.
Al polıııa belsendilerdiń ustalýy men sot sheshimi týraly túsinikteme berýden bas tartty.
