Qazaqstan futbol federasiiasynyŋ bas hatşysy Azamat Aithojin 2022 jylǧy älem chempionatyna ırıkteu kezeŋı aiasynda Fransiiamen ötken matchtyŋ (0:8) nätijesıne qatysty pıkır bıldırdı, dep habarlaidy "Adyrna" ūlttyq portaly Qazaqstan futbol federasiiasynyŋ saityna sıltep.
Aithojin osy jäne aldyŋǧy jyly Qazaqstan futbol federasiiasyna memleket biudjetınen 200 million teŋge bölıngenın, būl qarajat türlı ūlttyq qūramalardy halyqaralyq jarystarǧa – jastar (U17, U19), U21 jasöspırımder, jasöspırımder, jastar arasyndaǧy oqu-jattyǧu jiyndary, Blind-Football (soqyrlarǧa arnalǧan futbol), äielder, ūlttyq, jaǧajai jäne futzal komandalaryn daiyndauǧa jäne ūiymdastyruǧa jūmsalǧanyn aitty.
Onyŋ aituynşa, kelesı jyldan bastap Qazaqstan futbol federasiiasy memlekettık jäne kvazimemlekettık qūrylymdar esebınen qarjylandyrudan bas tartu turaly şeşım qabyldady. Ūiym UEFA-dan tüsken qarajat esebınen, sondai-aq demeuşılık aqşany tartu esebınen qarjylandyrylady.
«Sondyqtan ūlttyq qūramanyŋ sätsızdıgınen keiın özın jarnamalaǧysy keletın synşylar men populisterge aitarym: tym bolmasa mäselenıŋ mänın tüsınuge tyrysyŋyz, bos söz aitpas būryn män-jaidy zertteŋız. Bızdıŋ elde futbol ärqaşan bolǧan jäne ömır süretın bolady. Būl milliondaǧan adamdar ömır süretın bırınşı sport türı ekenı sözsız. Ärine, ony jaŋa deŋgeige köteru üşın jyldar men şynaiy qoldau qajet. Ūlttyq qūrama jeŋıske jetkende, keşegı osy jıgıtterdı sonşa jamandaǧanyŋdy ūmytyp, ünemı qoldadym deisıŋ. Sondyqtan, jeŋılgen künderınde de, jeŋıske jetken künderı de ärqaşan komandamen bırge bolu kerek», - dedı QFF Bas hatşysy.13 qaraşada Qazaqstan qūramasy 2022 jylǧy älem chempionatyna ırıkteu aiasyndaǧy finaldyq oiynyn ötkızıp, ırı eseppen Fransiiadan 0:8 esebımen jeŋılıp qaldy. Būl Qazaqstan tarihyndaǧy eŋ auyr jeŋılıs. Kilian Mbappe 6, 12, 32 jäne 87 minuttarda gol soqty. Būl jeŋıs Fransiiaǧa topta bırınşı oryn alyp, fransuzdardy 2022 jyly Katarda ötetın älem chempionatyna alyp şyqty. Qazaqstan ırıkteu kezeŋınıŋ tobynda üş ūpai jinap (üş teŋ oiyn) bırde-bır jeŋıske jete almai, soŋǧy orynda qaldy. Qazaqstan FİFA reitingınde 125-şı orynda jäne toǧyz oiyn qatarynan jeŋıske jetken joq.
"Adyrna" ūlttyq portaly
Ūqsas jaŋalyqtar
