Ábishevke qysym jasaldy

423

Islam Ábishev jáne Dúnıejúzilik kúres federaııasynyń vıe-prezıdenti Serik Túkeevtiń advokaty Erlan Mákenovtiń pikirinshe, tergeý amaldary aıyptaý baǵytynda birjaqty júrip jatyr. Onyń aıtýynsha, aıyptalýshylarǵa qysym jasalǵan.

Tergeý qupııalylyǵyna súıengen Mákenov qylmystyq istiń mán-jaıyn aıtpady, biraq tergeý kezinde jáne tergeý sotynda aıyptalýshylardyń qorǵalý quqyǵy buzylǵanyn, olardyń negizsiz qamaýda otyrǵanyn jetkizdi. Nur-Sultanda búgin tańerteń ótken baspasóz jıynynda jazýshy Dýlat Isabekov tergeý oryndary isti sozýǵa tyrysty dep topshylady.

Sý resýrstary komıtetiniń burynǵy tóraǵasy 63 jastaǵy Islam Ábishev jáne Dúnıejúzilik qazaqsha kúres federaııasynyń vıe-prezıdenti Serik Túkeev 2019 jyly 14 naýryzdan beri tergeý ızolıatorynda qamaýda otyr.

Jemqorlyqpen kúres qyzmeti sol ýaqytta Islam Ábishev pen onyń "yqtımal sybaılasyna" qatysty tergeý bastalǵanyn habarlap, olardyń "enshiles kompanııadan 60 mıllıon teńge kóleminde para aldy" degen kúdikke ilingenin málimdegen.

Islam Ábishevtiń advokaty Abzal Quspanovtyń aıtýynsha, sý resýrstary komıtetiniń burynǵy basshysyna "para alýǵa oqtalý" baby boıynsha aıyp taǵylǵan. Quspanov sózinshe, is materıaldarymen tanysqan advokattar "stneogrammadan Ábishevtiń belgili bir qarajatty almaq bolǵany nemese alýǵa keliskeni jaıly birde-bir sóz taba almaǵan". Advokattardyń sózinshe, jemqorlyqpen kúres qyzmeti jaqyn arada qylmystyq isti sotqa jibermek. Islam Ábishev qýǵyndaýdy komıtet basshysy bolyp turǵan kezdegi jumysymen baılanystyrǵan.

Advokattardyń aıtýynsha, aıyptalýshylar aldaǵy sot otyrysynda "qylmystyq isti uıymdastyrǵan adamdardyń aty-jónin atamaq".

Al jemqorlyqpen kúres qyzmeti advokattardyń qysym jaıly búgingi málimdemesine baılanysty túsinikteme bermedi.

Islam Ábishev qyzmet atqarǵan sý resýrstary komıteti "Kazvodhoz" kásipornynyń qyzmetin retteıdi. Bul kásiporynnyń respýblıkalyq mańyzy bar sý nysandaryn paıdalaný, saqtaý, aýyz sýmen qamtamasyz etý jáne ózge de mindetteri bar.

Islam Ábishev aýyl sharýashylyǵy mınıstrligine qarasty sý resýrstary komıtetiniń jetekshisi bolyp eń alǵash ret 2012 jyly aqpan aıynda taǵaıyndalǵan. Munda 2013 jyldyń shilde aıyna deıin qyzmet etken. 2014 jyldyń sáýir aıynda qorshaǵan orta jáne sý resýrstary mınıstrligine qarasty sý resýrstary komıtetin basqarǵan. Osy jyly tamyz aıynda aýyl sharýashylyǵy mınıstrligine qarasty sý resýrstary komıtetiniń tóraǵasy bolyp taǵaıyndalyp, 2019 jyly naýryz aıynda qamaýǵa alynǵanǵa deıin sonda qyzmet etti.

"Azattyq" radıosy

Pikirler