Almaty oblysy Talǵar aýdanynda bir top adam qatysqan janjaldan mert bolǵan Sherzat Polattyń aǵasy Nurǵanat Ǵaıypbaev ta óli tabyldy. Kámeletke tolmaǵan balasynan aıyrylǵan áýlette 2 aı 6 kúnnen soń taǵy bir ólim oryn aldy. Adyrna tilshileri Talǵar mańyndaǵy oqıǵa bolǵan aýylǵa baryp, mán-jaıdy bilip qaıtty.
Jeltoqsannyń 9-ynda Nurǵanattyń ólimi týraly Almaty oblysynyń polıııa departamenti habarlap, oqıǵany «sýııd» dep tirkegenderin aıtqan.
«ÓTE AÝYR SOQQY»
Aýyl mańyna kire bergende birneshe polıııa kólikteri baıqaldy. Aýylda jeńil kólikter qarasy ádettegiden kóp boldy. Polıeıler Qarjaýbaıdyń qara shańyraǵyna baram degen kólikti ótkizbeı turdy.
Úı-ishi suhbat berýden bas tartty. Tek Sherzat Polattyń qazasy kezinde BAQ-qa suhbat bergen Baqyt Reımova: «Eshkim ıntervıý bermeıdi. Biraq bul ólim sýııd emes», - dep pikir bildirdi. Baqyt – Sherzattyń ákesi Qarjaýbaıdyń qaryndasy. Al Nurǵanat – Qarjaýbaıǵa – ini, Sherzatqa nemere aǵa bolady.
Marqumnyń kórshileri qazaly úıge túngi 12-de barǵandaryn, izdeý jumystaryna at salysqandaryn aıtty. Alaıda olar da kóp ashylmady. Keı kórshileri jýrnalısterge suhbat berýden bas tartyp, kameraǵa túsirmeýdi surady.
Qaıǵyly oqıǵa bolǵan kúni tańerteń Azat aýylynda qaraly áýletke járdemdesip júrgen Aıtbek Amangeldi men Sherzat Polattyń ólimi boıynsha is qozǵaǵan advokattar ǵana tilshilerge aza da bolsa suhbat bergen.
- Qazir olardy mazalamaý kerek. Bul olardyń moraldyq jaǵdaıy úshin óte aýyr soqqy boldy. Qatarynan eki úlken, aýyr qaıǵyǵa tap bolý ońaı emes. Biz búgin tańerteń Sherzattyń aǵasy Nurǵanattyń qaıtys bolǵanyn estidik. Nurǵanattyń da, Sharzattyń da otbasylary bastapqy 40 kúnde tergeýmen óte tyǵyz aınalysty. Pyshaq jaraqatynan keıin Nurǵanat turaqty túrde tekserýler men emdeýlerge baryp júrdi, al psıhologtarmen jumys tek 40 kúnnen keıin bastaldy. Psıhologııalyq jaǵdaıy tańqalarlyq jaqsy boldy, onyń josparlary bar edi. Ol osy aýdanda et satýdy qaıta bastady, tabys tapty. Degenmen, jaqyn adamyn joǵaltqandyqtan, júreginde aýyr dert qaldy. Ol tek aǵasynyń uly emes, sonymen birge óziniń týǵan uly sekildi eń jaqyn adamyn joǵaltty, – dedi Aıtbek Amangeldi.
Marqumnyń óli denesi aýyl mańyndaǵy Sherzat jerlengen beıit aınalasynan tabylǵan. BAQ-ta polıııa málimetine súıenip, Nurǵanat Ǵaıypbaev óz-ózine qol salǵan degen habar tarady. Ol túngi 23:30-da úıinen shyǵyp, túngi 12-den asa jaqyndaryna «qoshtasý sózderin» jaza bastaǵan. Alaıda onyń denesi taýyp, qaraǵan azamattar eshqandaı jip ne moınynda ózge izderdiń bolmaǵanyn aıtady.
«JÚREKTEN KETTI ME, KIM BILSIN...»
Marqumnyń týǵan aǵasy Qarjaýbaıdyń dostarynan pikir alyp, úı ishindegi ahýal týraly suradyq.
«Jedel járdemnen óli deneni men túsirdim. Imamdy shaqyryp, deneni tekserttik. Denede eshqandaı iz bolǵan joq. Imam marqum sýııd jasasa janazasyn shyǵarýdan bas tartýy da múmkin. Sol sebepti biz tekserip alyńyz dedik. Deneni tekserýge jibergende kesken, keıin jippen tikken. Sonyń ǵana izi bar. Bul – halyqtyń oıyn buzý ǵoı. Ol múmkin, inisiniń ólimine ózin kinálap, 2 aıdan beri júrdi. Múmkin solaı júrekten ketti me, kim bilsin...» - deıdi Qarjaýbaıdyń dostarynyń biri.
Jeltoqsannyń 9-ynda Nurǵannattyń ólimi jaıynda polıııa málimetinen belgili boldy.
"Talǵar qalasy mańynan 30 jastaǵy er adamnyń máıiti tabyldy. Aldyn ala málimetterge sáıkes, ol asylyp, ózine qol jumsaǵan. Marqum bıyl 4 qazanda qaza bolǵan Sherzat Polattyń aǵasy ekeni anyqtaldy", – dep habarlaǵan polıııa. Polıııa buǵan qosa, tergeýge qatysty qujat – marqumnyń telefondaǵy «sońǵy jazbalary» bolýy múmkin habarlamalardy da jedel taratyp úlgerdi.
Erteń, 10 jeltoqsan kúni Nurǵanat Ǵaıypbaevtyń janazasy Talǵar mańyndaǵy úıinen túski 14:00-de shyǵarylmaq.
Symbat Naýhan
«Adyrna» ulttyq portaly
