Elimizde qarjy pıramıdalary 20 mlrd teńge shyǵyn keltirdi. Bul týraly Qarjy monıtorıng agenttigi málimdedi, dep habarlaıdy «Adyrna» tilshisi.
Búgingi tańda 13 mlrd teńgeden astam qarajat ótelgen.
«Jyl basynan beri QMA 20 mlrd teńgeden asa shyǵynmen qarjy pıramıdalaryn qurý jáne basqarý faktileri boıynsha 68 qylmystyq isti tergedi. Jalpy bıyl jyl basynan beri ǵalamtor jelisinde 47 qarjy pıramıdasy anyqtaldy. Olarǵa qatysty áleýmettik jelilerde 300-ge jýyq chat jabylǵan. Shamamen 2 mıllıonǵa jýyq qatysýshy – áleýetti salymshylar bolǵan»,—delingen habarlamada.
QMA jyl basynan beri qarjy pıramıdasynyń belgisi bar 10,5 myńnan asa saıt siltemesin buǵattaǵan. Qarjylyq monıtorıng agenttigi azamattardy qyraǵy bolýǵa jáne óz aqshalaryn kúmándi qarjy uıymdaryna salmaýdy eskertti.
