Osy jyldyń 6 jeltoqsan kúni Almaty Ortalyq meshitinde alǵash ret juma namazyna kelýshiler meshit aýlasyna syımaı qaldy. Paryz namazy bastalǵanǵa deıin meshit qyzmetkerleri jamaǵatty meshit aýlasyna ornalastyrǵan. Alaıda, paryz namazy bastalǵan soń meshittiń oń jaq bóligi ıaǵnı, M.Mámetova kóshesiniń bir bóliginde 5 mınýttyq qulshylyq paryzyn óteý oryn alǵan. Saldarynan kóshe keptelisi paıda boldy, dep habarlaıdy "Adyrn" ulttyq portaly.
Oqıǵaǵa qatysty Almaty Ortalyq meshitiniń baspasóz qyzmeti málimdeme jasady.
"Qurmetti juma namazyna kelýshi jamaǵat! Paıǵambarymyz (s.ǵ.s.) jeti jerde namaz oqýǵa tıym salǵan. Olar: qoqys jınalǵan jerde, mal soıatyn orynda, qabir basynda, joldyń ústinde, monshada, mal sýarylatyn orynda jáne qaǵbanyń ústinde.
Jol ústinde namaz oqýdan tıym salýynyń basty sebebi, jol qozǵalysyna kedergi keltirmeý bolyp tabylady. Ol kóshemen jedel járdem kóligi, órt sóndirý kóligi nemese jumysyna asyqqan adam júretini belgili. Sondyqtan 5 mınýtqa kósheni jaýyp namaz oqý qanshama uzyn-sonar kóshe kóptelisin týyndatady.
Juma namazyn oqý kezinde joldy jaýyp, basqa adamdarǵa zııan tıgizýge bolmaıdy. Sol sebepti, barshańyzdy namazǵa erterek kelip, tıisti kórsetilgen oryndarǵa jaıǵasýdy, joldardy jappaýdy, kólikterdi de durys orynǵa qoıýdy, talap pen tártipti qatań saqtaýlaryńyzdy suraımyz", - dep jazylǵan baspasózdiń taraǵan habarlamasynda.
