Almatyda 2025 jyly Úlken Almaty shatqalynyń eń kórnekti nysandarynyń biri - «Alma-Arasan» radon kózin rekonstrýkııalaý josparlanýda.
Almaty Máslıhatynyń aldaǵy sessııasynda 2025-27 jyldarǵa arnalǵan bıýdjettiń tıisti jobasyn qaraý josparlanýda. Bul týraly qalalyq Máslıhattyń baspasóz qyzmeti habarlady.
Biregeı emdik qasıetterimen tanymal oryn týrıster men qala turǵyndaryn, qazaqstandyqtardy ǵana emes, sheteldikterdi de ózine tartady. Qazirgi ınfraqurylymnyń jaǵdaıyna, qolaısyzdyqtar men táýekelderge baılanysty qala turǵyndary men týrısterdiń kóptegen shaǵymdaryna jaýap retinde keshendi jańartý týraly sheshim qabyldandy.
Radon kózin sońǵy jóndeý 2019 jyly júrgizildi, sodan beri onyń ınfraqurylymy jaılylyq pen qaýipsizdiktiń zamanaýı standarttaryna sáıkes kelý úshin rekonstýrkııalaýdy qajet etedi.
Abattandyrý jobasy ınfraqurylym obektilerin tolyq rekonstrýkııalaýdy kózdeıdi. Negizgi is-sharalardyń qatarynda qaýipsiz syrǵanaýǵa qarsy jabyndary bar jańa kópirler ornatý, jol jelisin jáne jaıaý júrginshiler aımaqtaryn jańartý bar. Eń qaýipti ýchaskelerde qorshaýlary bar baspaldaqtar ornatylady, sondaı-aq zaqymdalǵan elementterdi kúsheıtý jáne aýystyrý júrgiziledi. Sonymen qatar, barlyq ýchaskelerdiń palýbasy bolat tordan jasalady, bul jazda da, qysta da qaýipsizdikti qamtamasyz etedi.
Sonymen qatar, joba týrısterge relefti baǵdarlaýǵa kómektesetin, sondaı-aq radon kóziniń emdik qasıetterimen tanystyratyn jańa kórsetkishter men aqparattyq stendterdi ornatýdy qamtıdy.
