2025 jyly Almatyda turisterdı tartu üşın tau infraqūrylymyn damytu jalǧasady

Almaty saiahatşylar üşın jaŋa mümkındıkter jasap, halyqaralyq turistık industriiadaǧy märtebesın nyǧaita otyryp, turistık äleuettı damytudy jalǧastyruda. 2025 jyly Almatyda tauly jäne qalalyq infraqūrylymdy damytuǧa 697,4 mln. teŋge bölınedı. 2025-27 jyldarǧa arnalǧan biudjettıŋ tiıstı jobasyn Almaty Mäslihatynyŋ aldaǧy sessiiasynda qarau josparlanuda. Būl turaly qalalyq Mäslihattyŋ baspasöz qyzmetı habarlady. Josparda navigasiialyq obektılerı bar 10 tau marşruttaryn qūru, jetu qiyn jerlerde kün panelderı bar 3 kemping-aimaqtardy jailastyru, «Alma-Arasan» termaldy közın rekonstruksiialau, turistık obektılerdıŋ taktildı ülgılerın daiyndau, aqparattyq ortalyqtarǧa, totemder men terminaldarǧa qyzmet körsetu bar. Būl ıs-şaralar Almatynyŋ bıregeilıgın, onyŋ mädeni jäne tabiǧi körıktı jerlerın, sondai-aq turistık önımderdıŋ aluan türlılıgın körsetedı. Esterıŋızge sala keteiık, 2024 jyly Almaty qalasynyŋ turizm basqarmasy 10 tau baǧytyn abattandyru jūmystaryn aiaqtady (1. "Tūiyq Su" alplagerıne soqpaq jol.  2.  Iýnnat kölı-Butakovka-Orman asuy. 3.  Iýnnat soqpaqtary 4.  "Aq-Qaiyŋ" şipajaiy - Kışı Almaty şatqaly 5.  ÜAO-Pogrebeskii şyŋy 6.  KAŞ.Tūiyq su alplagerı – "Tūiyq su" mūzdyǧy.  7.  Butakovka-Būlaq (Butakov şatqalynda 2 km soqpaq abattandyryldy, özen arqyly ötkel salyndy, erekşe qajettılıkterı bar azamattarǧa arnalǧan oryndyqtar men besedkalar ornatyldy.) 8.  Medeu. Demalys joly 9.  Medeu. Qaraküngei jotasy. Baqylau palubasy ("pıl") 10.  Medeu. Qaraküngei Jotasy. "Serkebai" şeŋberı). Tau soqpaqtarynyŋ boiynda 367 aqparattyq belgı, 15 besedka, 66 oryndyq, 6 demalys platformasy, 4 köpır ornatylǧan. Barlyq elementter aua-raiynyŋ qolaisyzdyǧyna tözımdı joǧary balqityn bolatty qosa alǧanda, berıktıgı joǧary materialdardan jasalǧan. Vandaldarǧa qarsy konstruksiialar qoldanyldy, būl infraqūrylymnyŋ ūzaqqa tözımdılıgı men berıktıgın, tıptı qarqyndy jūmys kezınde de qamtamasyz etedı. Qauıpsızdıkke erekşe nazar audarylady: özender arqyly berık ötkelder salyndy, sonymen qatar marşruttar fizikalyq daiyndyǧy  ärtürlı  adamdarǧa beiımdeldı. Jūmystar qala tūrǧyndary men qonaqtary arasynda osy baǧyttardyŋ joǧary tanymaldylyǧyn eskere otyryp jürgızıldı. Yŋǧaily jäne qauıpsız marşruttar jaiau seruendeu täjıribesın jaqsartuǧa ǧana emes, sonymen qatar aimaqtyŋ tabiǧi bailyǧyn körsetuge de arnalǧan. Almatynyŋ tauly baǧyttaryn abattandyruǧa jüielı qadam turister tarta tüsetın jaŋa oryndardy  qūruǧa yqpal etedı. Jarqyn mysaldardyŋ bırı - infraqūrylymdy jaqsartu boiynşa keşendı jūmystar aiasynda 2023 jyly Malyş şyŋynda ornatylǧan oryndyq. Malyş şyŋy turister men tabiǧat äuesqoilary arasynda tanymal boldy, bıraq būl baǧytqa qyzyǧuşylyqty arttyru üşın qosymşa ekpın qajet boldy - qazır oryndyq maŋyzdy elementke ainaldy, nysandy turister üşın erekşe tartymdylyqqa ainaldyrdy. Almaty qalasynyŋ Turizm basqarmasy turister men qala tūrǧyndaryn qauıpsızdık şaralaryn saqtauǧa, aua raiy jaǧdailaryn eskeruge, tauly seruendeuge mūqiiat daiyndaluǧa, sondai-aq tabiǧi orta mädenietın ūstanuǧa şaqyrady. Tabiǧat pen qalalyq infraqūrylymǧa ūqypty qarau, tazalyqty saqtau, qoqystardy jinau jäne bolaşaq ūrpaq üşın ainaladaǧy landşafttardyŋ erekşe sūlulyǧyn saqtau qajet.