Májilis otyrysynda depýtat Edil Jańbyrshın áriptesi Azat Perýashevtiń kásipkerlerge salynatyn aıyppuldardyń shamadan tys kóptigi týraly aıtqan pikirine jaýap berdi.
Ákimshilik quqyq buzýshylyq týraly kodekske ózgerister men tolyqtyrýlar engizý týraly zań jobasyn talqylaý barysynda depýtat Jańbyrshın qoldanystaǵy aıyppul júıesiniń oń nátıjelerin kórsetip jatqanyn atap ótti.
"Men osy normalar boıynsha óz pikirimdi bildirgim keledi. Medaldiń eki jaǵy bar. Bizdiń basty basymdyǵymyz Konstıtýııamyzdyń birinshi tarmaǵynda jazylǵandaı, adam ómiri, densaýlyǵy jáne quqyqtaryn qorǵaý bolyp tabylady. Biz eń aldymen osyny qorǵaýymyz kerek", – dep erekshe atap ótti Jańbyrshın.
Onyń aıtýynsha, anyqtalǵan zań buzýshylyqtardyń basym bóligi jaramdylyq merzimi ótken ónimderdi satý, taýarlardyń tehnıkalyq reglamentterge sáıkes kelmeýi jáne baǵalar týraly shynaıy aqparattyń bolmaýymen baılanysty.
"2023 jyly sáýir aıynda jergilikti atqarýshy organdardan memlekettik qadaǵalaý Úkimetke berilgen. Osy arada búginge deıin kásipkerlerge 1059 ákimshilik sharalar qoldanǵan. Birinshi ret Zańdy buzǵany úshin. Bul qandaı Zańdy buzýshylar? Ózderińiz jaqsy bilesizder, kóbińiz jergilikti jerde jumys jasadyńyzdar. Bul - baǵany durys qoımaý, baǵany tipti qoımaý nemese sórelerdegi taýarlardyń baǵasyn azaıtatyn akııalar jazyp qoıady"- dedi ol.
Májilis depýtaty áriptesterin jaǵdaıdy muqııat qarastyrýǵa jáne kásipkerlerdi qoldaý men tutynýshylardyń quqyqtaryn qorǵaý arasyndaǵy tepe-teńdikti saqtaýǵa shaqyrdy.
"Sondyqtan, qurmetti áriptester, bul norma qazirdiń ózinde nátıjelerin kórsetip otyr, ony muqııat zerdeleýimiz qajet. Asyǵys sheshim qabyldaýdyń qajeti joq. Eger kásipker adal jumys istep, zańdy saqtasa, oǵan alańdaýdyń qajeti joq. Baǵany durys kórset, ádil jumys jasa, sapaly taýar sat – sonda eshkim saǵan aıyppul salmaıdy. Al eger zań buzsań, halyq aldynda jaýap berýge týra keledi. Adal jumys jasa, adamdardy aldama," – dep túıindedi májilismen.
