Qazaqstan men Qyrǵyzstan shekarasynda jer silkinisi boldy, dep habarlaıdy "Adyrna" ulttyq portaly.
Tótenshe jaǵdaılar mınıstrliginiń málimetinshe, 4 jeltoqsan kúni Astana ýaqytymen saǵat 17:07-de «NNSNI» JShS seısmıkalyq stanııalar jelisi jer silkinisin tirkegen.
«Jer silkinisiniń oshaǵy Qyrǵyzstan aýmaǵynda, Almatydan ońtústik-batysqa qaraı 96 shaqyrym jerde ornalasqan», – delingen habarlamada.
Qazaqstan aýmaǵynda jer asty dúmpýleri sezilmegeni atap ótildi.
Qyrǵyzstan Ulttyq ǵylym akademııasy Seısmologııa ınstıtýtynyń málimetinshe, magnıtýdasy 3,6 bolǵan jer silkinisiniń epıentri Balyqshy qalasynan soltústik-batysqa qaraı 23 shaqyrym jerde ornalasqan.
