1 jeltoqsan kúni Qazaqstan, Qyrǵyzstan, Tájikstan, Túrikmenstan, Ózbekstan jáne Qytaıdyń syrtqy saıası vedomstvolarynyń basshylaryn biriktirgen «Ortalyq Azııa – Qytaı» formatyndaǵy Syrtqy ister mınıstrleriniń besinshi kezdesýi ótti, dep habarlaıdy «Adyrna» tilshisi.
Qazaqstandyq delegaııany Premer-mınıstrdiń orynbasary – Syrtqy ister mınıstri Murat Nurtileý bastap júrdi.
«Kezdesýde taraptar saıası dıalogty tereńdetýge, ekonomıkalyq baılanystardy damytýǵa jáne mádenı-gýmanıtarlyq almasýlardy nyǵaıtýǵa óz mindettemelerin rastady. Mınıstrler «Óńirdiń turaqtylyǵy, qaýipsizdigi jáne ornyqty damýy» tujyrymdamasy sheńberinde birlesken jumysty jalǵastyrýdyń mańyzdylyǵyn atap ótti»,—dep jazdy SIM baspasóz qyzmeti.
Kezdesý barysynda sý resýrstaryn, jańartylatyn energetıkany jáne qorshaǵan ortany qorǵaýdy qosa alǵanda, ekologııalyq turaqtylyq salasyndaǵy yntymaqtastyqty arttyrý ýaǵdalastyǵyna qol jetkizildi. Sondaı-aq, halyqtar arasyndaǵy ózara túsinistikti nyǵaıtý úshin bilim, týrızm jáne mádenıet salasyndaǵy almasý baǵdarlamalaryn tereńdetý týraly sheshim qabyldandy.
Taraptar 2025 jyly «Ortalyq Azııa – Qytaı» formatyndaǵy kelesi kezdesýdi Qazaqstanda ótkizýge kelisti.
