Halyqtyŋ tūrmys-tırşılıgınıŋ tüzeluıne, äleumettık jaǧdaiynyŋ jaqsaruyna türlı memlekettık baǧdarlamalarda män berılıp keledı. Mūqtaj azamattardy qoldauǧa memleket tarapynan bölınıp otyrǧan köŋıl de, kömek te köp. Atauly äleumettık kömek beru jūmystary oblysta da bır jolǧa qoiylǧan. Onyŋ ışınde mügedektıgı bar jandar erekşe memleket qamqorlyǧyna alynǧan.
Oblys äkımdıgı jūmyspen qamtudy üilestıru jäne äleumettık baǧdarlamalar basqarmasynyŋ basşysy Erkın Kelesovtyŋ aituynşa, aimaq boiynşa 45 571 mügedektıgı bar adam tırkelgen. Sondai-aq 18 jasqa deiıngı 6 822 jasöspırım bar.
– 2024 jyldyŋ 10 aiynda atalǧan azamattardan bölek 2 171 adam alǧaşqy ret mügedektıkke şyqty. Tarqatyp aitsaq, 1 571 eresek, 600 jasöspırımge mügedektık turaly järdemaqy belgılendı. Alǧaşqy mügedektıkke şyqqan 2 171 adamnyŋ 1 185-ı eŋbekke qabılettı bolsa, 386-sy zeinet jasyndaǧylar. Biyl mügedektıgı bar adamdardyŋ jeke abilitasiialau jäne oŋaltu baǧdarlamalaryna, atap aitqanda, surdo-tiflo qūraldar, sanatorlyq-kurorttyq emdelu, protez-ortopediialyq būiymdar, kreslo-arbalar, jeke kömekşıge qosymşa aqy jäne gigienalyq kūraldarǧa 4,3 milliard teŋge qarjy qaraldy. Sonymen qatar jeke kömekşı qyzmetı, ymdau tılı mamany, üide kömek jäne gigienalyq qūraldar syndy äleumettık qyzmetterge 2,6 milliard teŋge bölındı. Eseptı kezeŋde äleumettık qyzmetter ūsynu portalyna tırkelgen 25 808 ötınıştıŋ 24 209-y qanaǧattandyryldy, – dedı E.Egemberdıūly.
Mügedektıgı bar adamdarǧa qolaily jaǧdai jasau baǧytynda «AMANAT» partiiasynyŋ sailaualdy baǧdarlamasymen bekıtılgen jol kartasyna säikes jyl soŋyna deiın Taraz qalasy men audandarda 259 nysandy beiımdeu josparlanǧan eken. 2024 jyldyŋ 10 aiynyŋ qorytyndysyna köz jügırtsek, 189 nysanǧa 133,3 million teŋge qarjy bölıngen. Alaida josparlanǧan mejenı tek Merkı, Şu audandary oryndap, qalǧan 70 nysannyŋ beiımdelmei otyrǧany anyqtalǧan.
Basqarmaǧa qarasty 18 medisinalyq-äleumettık mekeme bolsa, sonyŋ ışınde eresekterdı qabyldaityn 9 mekemede memleket qamqorlyǧyna mügedektıgı bar 944 adam alynǧan eken. Olarǧa bekıtılgen standartqa säikes 8 türlı arnauly äleumettık qyzmet körsetılude. Sol siiaqty mügedektıgı bar balalarǧa arnalǧan 9 ortalyqta 415 mügedektıgı bar bala arnauly äleumettık qyzmettermen qamtyluda.
– Mügedektıgı bar azamattardy äleumettık qorǧau baǧytynda ükımettık emes ūiymdardyŋ da atqaryp jatqan jūmystary aitarlyqtai. Basqarma tarapynan memlekettık-äleumettık tapsyrys aiasynda ükımettık emes ūiymdar arqyly 9 äleumettık joba ıske asyrylyp, 892 mügedektıgı bar adamǧa jäne balalarǧa arnauly äleumettık qyzmetter körsetılude. Būl maqsatta oblystyq biudjetten 234,5 million teŋge qarjy bölındı. Sonymen qatar Taraz qalalyq jäne audandyq biudjetterden 199,9 million teŋge qarjy bölınıp, 2 300-ge juyq mügedektıgı bar azamatqa 32 arnaiy jabdyqtalǧan avtokölık qyzmet körsetıp jür. Mügedektıgı bar azamattardy jūmyspen qamtudyŋ belsendı şaralaryna tartu da nazardan tys qalǧan emes. Būl baǧytta «Kümıs jas», «Bastau Biznes» baǧdarlamalary aiasynda tyndyrymdy tırlıkter atqaryluda, – degen Erkın Egemberdıūly oblysta 8 ekınşı düniejüzılık soǧystyŋ ardagerı men mügedegı bar ekenın jetkızdı.
Soǧys ardagerlerıne Jeŋıs künınde 1,5 million teŋgeden bırjolǧy äleumettık kömek körsetılgen. Sol sekıldı biyl jergılıktı biudjet esebınen ardagerlerge teŋestırılgenderge jäne mügedekterdıŋ jeke sanatyndaǧy 8 026 adamǧa 1 million teŋgege äleumettık kömekter berılıptı. Sondai-aq mügedektıgı bar balalardy üide oqytuǧa jūmsalǧan şyǧyndardy öteu boiynşa 1 166 balaǧa 47,2 million teŋge taǧaiyndalyp, tölengen eken.
