Polshada qazaqstandyq munaı ótetin «Dostyq» qubyrynan aqaý shyqty. Energetıka mınıstrligi bul jaǵdaıǵa qatysty túsinikteme berdi, dep habarlaıdy «Adyrna» tilshisi.
Resmı málimetke súıensek, 1 jeltoqsanda Pnevy qalasy mańynda «Drýjba» júıesi qubyrynyń batys bóliginde Shvedt munaı óńdeý zaýytyna jetkiziletin munaıdyń tógilýi anyqtalǵan.
«Zaqymdalǵan jeli boıynsha munaı tasymaldaý toqtatyldy. Munaı jetkizý ekinshi jeli arqyly jalǵasty. Ekinshi jeliniń tehnıkalyq múmkindikteri munaı aıdaýdy tolyq kólemde qamtamasyz etedi. 2024 jyldyń qarasha aıynyń qorytyndysy boıynsha osy baǵytta qazaqstandyq munaıdy jetkizý kestege sáıkes tolyq oryndaldy»,—dep túsindirdi mınıstrliktiń baspasóz qyzmeti.
Qazirgi tańda jeltoqsan aıyna josparlanǵan munaı jetkizý 20-30 jeltoqsan aralyǵynda júzege asady dep josparlanyp otyr.
Eske salaıyq, buǵan deıin«Drýjba» qubyrynda aqaý shyqqany týraly jazǵan edik.
Qazaqstandyq munaı eksporty dástúrli túrde Reseı aýmaǵy arqyly Kaspıı qubyr konsorıýmynyń Novorossııskige deıingi qubyr júıesi arqyly júzege asyryldy. Reseı men Polsha arqyly Germanııaǵa munaı jetkizý 2023 jyldyń aqpan aıynyń sońynda bastaldy.
