Gruziia astanasy Tbiliside 4 kün ışınde şeruge şyqqan 224 adam ūstaldy. Būl turaly bügın, 2 jeltoqsanda eldıŋ ışkı ıster ministrlıgı aitty, dep habarlaidy «Adyrna» tılşısı.
Demonstranttar Euroodaqqa qosylu turaly kelıssözderdı toqtatqan ükımetke narazylyq bıldırıp otyr. Olar Tbilisi ortalyǧyndaǧy Rustaveli jäne Kostava daŋǧylyn jauyp tastaǧan bolatyn.
Ūstalǧan azamattar ūsaq būzaqylyq jasady dep aiyptaluda. Sot qazırdıŋ özınde 36 adamǧa aiyppūl saldy, taǧy 34 adam äkımşılık qamauǧa alyndy. Al sotqa barlyǧy 98 adamǧa qatysty material kelıp tüstı.
Polisiianyŋ mälımetınşe, tärtıpsızdık saldarynan ışkı ıster ministrlıgınıŋ 113 qyzmetkerı zardap şekken. Olardyŋ törteuı auruhanaǧa jatqyzyldy.
Aita keteiık, Gruziia ükımetı 28 qaraşada Euroodaqqa qosylu turaly kelıssözdı 4 jyl merzımge toqtata tūrudy ūiǧarǧanyn habarlaǧan. Būl şeşım köpşılıkke ūnamady. Tbilisidegı şeruler barysynda şeruşıler men polisiia arasynda qaqtyǧys örşıp, jaǧdai uşyǧa tüstı.
