Almaty oblysy Kegen aýdanynyń ortalyǵynda memleket jáne qoǵam qaıratkeri Zamanbek Nurqadilovke arnalǵan eskertkish-bıýsttiń ashylý saltanaty ótti. Bul týraly búgin, 2 jeltoqsanda oblys ákimdiginiń baspasóz qyzmeti jazdy, dep habarlaıdy «Adyrna» tilshisi.
«Bul shara prezıdent Qasym-Jomart Toqaevtyń tapsyrmasy aıasynda júzege asyryldy. Sonymen qatar, Kegen aýylyndaǵy balalar óner mektebine Zamanbek Nurqadilovtiń esimi berildi»,—delingen habarlamada.
Eskertkishtiń ashylý rásimi Zamanbek Nurqadilov atyndaǵy óner mektebiniń alańynda uıymdastyryldy. Saltanatty sharaǵa memleket jáne qoǵam qaıratkerleri, aqyn-jazýshylar, tanymal tulǵalar men qaıratkerdiń otbasy músheleri qatysty. Eskertkishtiń ashylýyn oblys ákiminiń orynbasary Nurjan Qudaıbergenov, qoǵam qaıratkerleri Toqqoja Estenov pen Bolat Nurǵazıev ashyp, Zamanbek Nurqadilovtiń uly Qaırat Nurqadilov bıýstiń ashylý rásimin oryndady.
Oblys ákiminiń orynbasary óz sózinde qaıratkerdiń el damýyna qosqan zor úlesin atap ótip, onyń eńbeginiń ult tarıhynda máńgi saqtalatynyn jetkizdi.
«Bul eskertkish – halqymyzdyń qaıratkerge degen shynaıy qurmetiniń belgisi. Ult janashyry retinde Zamanbek Nurqadilov el egemendiginiń nyǵaıýyna eleýli úles qosty. Osyndaı tulǵalardyń eńbegin urpaqqa mura etý – bizdiń ortaq paryzymyz. Sondaı-aq bıiktigi 4,5 metr bolatyn bul týyndynyń avtorlary Aıdos Búrkitbaev pen Tımýr Nurmuhametovke alǵysymyzdy bildiremiz»,—dedi ol.
Óziniń adaldyǵymen jáne shynshyldyǵymen tanymal bolǵan, sonymen qatar eks-prezıdent Nursultan Nazarbaevty ashyq synaýdan qoryqpaıtyn, ómiriniń sońynda oppozıııada bolǵan Zamanbek Nurqadilov 2005 jyldyń 12 qarashasynda Almatydaǵy óz úıinde óli kúıinde tabylǵan. Resmı málimet boıynsha, 61 jastaǵy belsendi óz-ózine qol jumsaǵan-mys.
Zamanbek Nurqadilov óz pikirin aıtýdan, bılik basyndaǵylardy synaýdan qoryqpaıtyn prınıpshil saıasatker retinde Qazaqstan tarıhynda izin qaldyrdy. Ol jyldar boıy «Kazselezaıtany» basqardy, «GlavAlmatyStroı» mekemesin basqardy, bir kezde qurylysshy men operatordyń jumysyn qatar alyp júrdi – Almaty qalalyq atqarý komıtetinde qurylys bóliminde nusqaýshy boldy. Almaty qalasy meri bolyp turǵanda kóptegen daýly máselelermen betpe-bet kelgen.
1985 jyly – qaıta qurý qarsańynda qalalyq atqarý komıtetiniń tóraǵasy boldy. 1990 jyly HII saılanǵan Joǵarǵy Keńestiń depýtaty boldy.
1991 jyldyń kókteminde Nurqadilov qalalyq halyq depýtattary Keńesiniń tóraǵasy jáne bir mezgilde kommýnıstik partııa qalalyq komıtetiniń birinshi hatshysy boldy. Odan keıin ol sol kezdegi astana Almaty ákimshiliginiń basshysy bolyp taǵaıyndaldy. Sol qyzmetinde júrip bılikti synaǵan sensaııalyq suhbatynan keıin Almaty qalasynyń ákimi qyzmetinen ketedi, al 1995 jyly jeltoqsanda ol jeńiske jetken Májiliske alǵashqy saılaýda óz kandıdatýrasyn usynady. Depýtat bolǵan soń úkimetti synaı bastaıdy.
Osy kezeńde onyń Nazarbaevpen ashyq teketiresi bastaldy degen boljam bar. Odan keıin Almaty oblysyn basqaryp, Taldyqorǵanmen birigip, Tótenshe jaǵdaılar agenttiginiń tóraǵasy bolyp, aýdandaǵy máselelerdi kóterdi.
2024 jyly 23 mamyrda Almatyda memleket jáne qoǵam qaıratkeri Zamanbek Nurqadilov turǵan úıge eskertkish taqta da ornatylǵan. Bıliktiń Nurqadilovti shekteýli bolsa da ulyqtaýy "Jańa Qazaqstan" túsiniginiń taraýyna sebep bolǵan. Onyń Kegendegi músinin ashý áýelde 25 qazanǵa josparlanǵan. Alaıda saıasatkerdiń alǵashqy zaıyby Nurbıke Nurqadilova dúnıe salyp, eskertkishti ashý rásimi keıinge syrǵytylǵan.
