Ýkraınaǵa jappaı basyp kirý kezinde qaza tapqan reseılik 80 973 áskerı qyzmetkerdiń aty-jóni anyqtaldy. Olardyń jartysynan kóbisi soǵys bastalǵanda áskermen baılanysy bolmaǵan. Bul týraly ashyq derekterge súıene otyryp, VVS Mediazona basylymymen jáne eriktiler tobymen birge anyqtady, dep habarlaıdy “Adyrna” ulttyq portaly VVS-ge siltep.
Aqparatqa sáıkes, eriktiler arasynda qaza tapqandar sanynyń jyldam ósýi jalǵasyp jatyr. Olardyń kópshiligi aldyńǵy shepke jiberilgennen keıin eki-tórt apta ishinde qaza tapqan.
Altaı ólkesiniń Zarınsk qalasynan 32 jastaǵy Nıkıta Solovıov 2024 jyldyń 9 qyrkúıeginde Ýkraınaǵa attanyp, bes kúnnen keıin qaza tapqan.
Aıta ketsek, eriktiler degenimiz – tolyqmasshtabty basqynshylyq bastalǵannan keıin ǵana kelisimshartqa qol qoıǵan adamdar. Olardyń jalpy qaza tapqandar arasyndaǵy úlesi ósip keledi jáne qazirgi ýaqytta Reseı tarapynan rastalǵan jalpy shyǵyndardyń 22%-yn quraıdy.
2023 jyldyń qarasha aıynda eriktiler tek 14%-dy ǵana quraǵan bolatyn.
Qamaýǵa alynyp, soǵysqa jiberilgen tutqyndardyń úlesi kerisinshe azaıyp barady. 2023 jyldyń qarasha aıynda olar jalpy shyǵyndardyń 26%-yn qurasa, qazir bul kórsetkish 18%-ǵa deıin tómendegen. Degenmen, tutqyndardan jasaqtalǵan bólimsheler áli de aldyńǵy shepte ornalasyp, shaıqastyń bir bóligin óz moıyndaryna alyp otyr.
