JSDP bılikke ótti me?

613

"Aqıqat" jalpyulttyq soıal-demokratııalyq partııasynyń  15-sezinde partııa tóraǵasy bolyp Ashat Raqymjanovtyń  saılanýy qoǵamdaǵy qaýlaǵan áńgimeniń negizi boldy. Osyǵan deıin partııany basqarǵan Ermurat Bapıǵa partııalastary senimsizdik bildirip, ornynan alyp tastady. Alyp qana qoımaı, partııa qatarynan shyǵaryp jiberdi. Partııanyń jańa tóraǵasy Ashat Raqymjanov buǵan deıin partııanyń Nur-Sultan qalalyq bólimshesine jetekshilik etken.

Qazirgi tóraǵa bolyp saılanǵan Ashat Raqymjanov partııanyń 15-sezi bastalysymen kóktemde Parıjge barǵan Ermurat Bapıdy aıyptap, Ákejan Qajygeldınmen, Bergeı Rysqalıevpen kezdeskenin synady. Sosyn, partııa múshelerinen tóraǵaǵa senimsizdik bildirýdi surap, partııanyń jańa tóraǵasyn saılaýǵa shaqyrdy.

Óziniń otstavkasyn qabyl alýdy suraǵan Ermurat Bapıdyń qolynan partııanyń taǵy bir orynbasary Tazabek Sámetaı mıkrofondy alyp, ornyna otyrýyn suraǵan. Oǵan "Eldegi jalǵyz oppozıııalyq partııany jerledińizder" dep Ermurat Bapı jınalysty tastap shyǵyp ketti.

 

Vıdeo
"Azattyq" radıosynyń vıdeosy

 

Bir qyzyǵy, Bapıdy Parıjde Qajygeldınmen kezdesti dep aıyptaǵan Ashat Raqymjanov ta, Tazabek Sámetaı da, taǵy bir orynbasar Meırambek Qamalov ta bári birge Parıjge barǵan.

Ermurat Bapıdyń ózinen osy jaǵdaıǵa pikir bildirýin suraǵanymyzda " Men bulaı bolady dep oılamadym. Negizgi, partııanyń kún tártibinde kúzdegi saıası naýqandarǵa partııanyń belsendiligin arttyrý máselesi qaralýy tıis bolatyn. Al, jańaǵy meni aıyptap otyrǵan úsh orynbasar da menimen birge Parıjge barǵan bolatyn. Olardan bólek Almatydan da, elordadan da azamattyq qoǵam ókilderi bardy. Jastarǵa oryn berý kerek dep jatyrmyz ǵoı. Men osy sezde óz orynymdy Janbolat Mamaıǵa qaldyryp, partııa múshelerinen Mamaıdyń kandıdatýrasyn qoldaýdy suramaqshy bolǵanmyn" dep jaýap berdi.

- Janbolat Mamaıdy partııa tóraǵasyna usyný týraly oıyńyzdy basqa bireýler bilýshi ma edi?

- Eshkimge aıtqan joqpyn. Qazirgi Qazaqstannyń jaǵdaıynda mundaı nárseni eshkimge aıtpaý kerek ekenin men jaqsy bilemin. Sondyqtan Mamaı jaıly eshkim habarsyz bolatyn.

-JSDP bıliktiń jobasy dep jatqandarǵa ne deısiz?

-JSDP eshqandaı da bıliktiń jobasy emes. Osy sońǵy prezıdent saılaýynan keıin bizdiń qoǵam qatty ózgerdi. Bizdiń azamattyq qoǵam oıandy. Saıası alańdy saılaýǵa deıin jáne saılaýdan keıin dep qaraýǵa bolady. Men osy azamattyq qoǵamdy JSDP-nyń qasyna toptap, áreket eteıin degenmin. Al, JSDP-ny sońǵy jaǵdaılarǵa qarap, bılik nemese bılikke qatysy bar klandar basyp aldy ma dep oılaımyn. Osy partııany saqtap qalý úshin kóptegen qoǵamdyq qozǵalystar men qoǵam belsendileri maǵan habarlasyp, sońyna deıin kúresýimdi surap jatyr. Sezge shaqyrylǵan oblystar  oblystyq fılıaldardyń sezge delegattar saılaıtyn jınalysy bolǵan joq dep jatyr. Bundaı jaǵdaı Shymkent fılıalynda, Shyǵys Qazaqstan oblysy men Túrkistan oblystyq fılıaldarynda tirkelgen eken. Saılaýda belsendilik kórsetken táýelsiz baqylaýshylar arqyly osy jaǵdaılar anyqtalsa, sezdi zańsyz ótti sanaýǵa tolyq negiz bar.

-Áleýmettik jelide Bapı Qosanovtyń bajasy bolǵandyqtan senimsizdik bildirildi degen aqparat tarap jatyr.

-Joq, bul negizgi sebep emes. Bireýler buny maqsatty túrdek ádeıi taratýy múmkin. Áıtpese, Qosanov saılaýǵa túskende JSDP baıkot jarııalaǵan bolatyn. Sol partııanyń tóraǵasy retinde men de baıkotty qoldaǵan bolatynmyn.

 

"Aqıqat" JSDP-na partııa tóraǵasy bolyp kelgen Ashat Raqymjanovty biletinder qazaqshaǵa shorqaq deıdi. Qazirgi tańda Qazaqstannyń áleýmettik-saıası qoǵamy tolyq qazaqshalandy dese bolady. Oryssha sóılep, oryssha pikir aıtatyn saıasattanýshylar men saıasatkerlerdiń eleýsiz qalǵany da sol. Osy jaǵdaıdy eskersek, "Aqıqat" JSDP -nyń qazaqshaǵa shaban tóraǵasy qazaq qoǵamyna qanshalyqty yqpal ete alady?

Biletinder, Ermurat Bapıdyń partııa tóraǵalyǵynan ketirilýi 2021 jyly ótýi tıis Parlament saılaýynyń merziminen erte ótýiniń alǵysharty deıdi. Oppozıııalyq partııa retinde tirkelgen "Aqıqat" JSDP Parlamentke oryn alatyn bolsa partııa tóraǵasy Ermurat Bapı sózsiz depýdad bolady. Ondaı jaǵdaıda 20 jyl bılikke oppozıııa bolyp kele jatqan Bapı Parlamentke barsa múlgigen Parlamentke "jan bitiredi" dep qorqady deıdi saıasattan habary barlar. Sondyqtan 2005 jyly Báımenov pen Jýlanova bılikke qater tóndirgen "Aqjoldy" qalaı bólgenin eske alsańyzdar da jetkilikti. Bılik sol tehnologııasyn osy joly paıdalandy deıdi álgi bilgishter.

Ákejan Qajygeldın bolsa bul istiń artynda Aqorda men Qasym-Jomart Toqaevtyń turmaǵanyn aıtady.  "Azattyq" radıosyna bergen suhbatynda shet eldegi eks-premer Ashat Raqymjanovtyń artynda belgili kúshter turǵanyn, biraq ol Aqorda men qazirgi prezıdent emes, bılikke qatysy barlar bolýy múmkin degen bolatyn.

Jalpyulttyq soıal-demokratııalyq partııanyń tóraǵasy Jarmahan Tuıaqbaı 26 sáýirde ótken partııa sezinde tóraǵa qyzmetinen ketip, onyń ornyna "Dat" gazetter jobasynyń jetekshisi, táýelsiz jýrnalıst Ermurat Bapı saılanǵan edi. Sol sezden soń partııa ataýy "Aqıqat" JSDP bolyp ózgergen.

Ońǵar QABDEN

"Adyrna" ulttyq portaly

 

Pikirler