2019 jyldyń 7 qyrkúıek kúni Almaty qalasynda Qurlyq áskerleri Áskerı ınstıtýtynda 1 kýrs kýrsanttary saltanatty túrde Áskerı ant qabyldady.
Saltanatty sharaǵa Qazaqstan Respýblıkasynyń Qarýly Kúshteriniń Qurlyq áskerleriniń basshylyǵy, Uly Otan soǵysynyń jáne Qarýly Kúshteriniń ardagerleri, kýrsanttardyń ata-analary men týǵan-týystary qatysty.
Er jigittiń ómirinde bir-aq ret qaıtalanar ant qabyldaý rásimi áskerı dástúrlerdiń ishindegi erekshesi bolyp sanalady.
Áskerı ant qabyldaǵan kún áskerı ınstıtýttyń sap qataryn tolyqtyrǵan árbir jas kýrsanttyń ómirinde erekshe oryn alatyn mańyzdy shara. Bul kún kýrsanttardyń máńgilik esinde qalady.
Bolashaq ofıerlerdiń ómirinde umytylmas osy saltanatty Qurlyq áskerleri Áskerı ınstıtýtynyń bastyǵynyń mindetin ýaqytsha atqaratyn polkovnık Talǵat Baýdınov qysqasha kirispe sózben ashty.
Sap túzegen alańdy boılaı Áskerı ınstıtýttyń jaýyngerlik Týy saltanatty túrde alyp ótilgennen keıin Qazaqstannyń Memlekettik Ánurany shyrqaldy.
Áne-mine degenshe, qaýmalaǵan jurtshylyq taǵatsyzdana kútken sát te kelip jetti.
Muntazdaı kıinip, ıyqtaryna qarýlaryn asynǵan jas kýrsanttar saptan nyq qadammen alǵa sýyrylyp shyǵyp, birinen soń biri áskerı ant qabyldady. Áskerı kıimdegi balalaryn kórip, máz-meıram bolysqan jurshylyqta jas Otan qorǵaýshylardyń jigerli daýystaryna tolǵana qulaq túrgen.
Instıtýttyń saptyq alańynda bolashaq ofıerler birinen keıin biri Otan aldynda ózderine júktelgen mindetterdi minsiz oryndaýǵa, qıynshylyqtardy tabandylyqpen kóterýge, áskerı isti oqyp úırenýge ant etti.
Aıtýly sharanyń resmı bólimi aıaqtalǵan soń, minbeden Qazaqstan Respýblıkasynyń Qarýly Kúshteriniń Qurlyq áskerleriniń bas qolbasshysynyń orynbasary-shtab bastyǵy general-maıor Talǵat Qoıbaqov, ardagerler bolashaq ofıerlerdi umytylmas kúnderimen quttyqtady jáne aldaǵy oqýlarynda tolaǵaı tabystar tiledi.
-Ant degenimiz –ár jaýynger úshin ómir zańy. Onyń ár sózi jaýyngerdi únemi bıik jaýapkershilikke, Otan úshin, el úshin áskerı parazyn oryndaýǵa shaqyrady, deıdi ınstıtýttyń bastyǵynyń tárbıe jáne ıdeologııalyq jumystar jónindegi orynbasary polkovnık Jumabek Hasenov.
Ant qabyldaý rásiminen keıin respýblıkamyzdyń túkpir-túkpirinen at terletip kelgen kýrsanttardyń ata-analary ınstıtýtttyń áleýmettik turmysymen, oqý bazasymen , tynys tirshiligimen jaqynyraq tanysty.
Bıylǵy jyly Qurlyq áskerleri Áskerı ınstıtýtynyń kýrsanty ataǵyna 300 jýyq kýrsant ıe boldy.
Aıda Bektýrova
Qurlyq áskerleriniń Áskerı ınstıtýtynyń baspasóz qyzmeti
