Búgin, 25 qarashada prezıdent Qasym-Jomart Toqaev 3 birdeı mınıstrdi qabyldady. Atap aıtsaq, memleket basshysyna Qorǵanys mınıstri Rýslan Jaqsylyqov, Eńbek jáne halyqty áleýmettik qorǵaý mınıstri Svetlana Jaqypova jáne Ishki ister mınıstri Erjan Sádenov esep berdi, dep habarlaıdy «Adyrna» tilshisi.
Svetlana Jaqypova elimizdegi áleýmet jáne eńbek salalaryn damytý boıynsha atqarylyp jatqan jumystarǵa toqtaldy. Aıtýynsha, 2025 jyldyń 1 qańtarynan bastap Arnaýly áleýmettik qyzmet kórsetý ortalyqtarynda jan basyna shaqqandaǵy qarjylandyrýdy lıenzııalaý júıesi engiziledi. Bul maqsatta kásibı standarttar men oqytý modýlderi ázirlengen. 2030 jylǵa deıingi ınklıýzıvti saıasat tujyrymdamasy aıasynda múgedektiktiń áleýmettik-quqyqtyq qorǵaý modeline kóshý engizilip jatyr.
Al Ishki ister mınıstri Erjan Sádenov elimizdegi krımınogendik jaǵdaı týraly aıtty. Ol jyl basynan beri qylmystyń tómendeýi baıqalatynyn málimdedi. Mınıstrdiń málimetinshe, qylmystyq quqyqbuzýshylyq – 5,5 myńǵa, qylmys 10 myńǵa azaıǵan. Sondaı-aq Sádenov Qazaqstanda «Zań men Tártip» qaǵıdatyn iske asyrý, quqyqbuzýshylyqqa «múldem tózbeýshilik» jáne onyń aldyn alý sharalary týraly habarlady.
Kezdesý sońynda Qasym-Jomart Toqaev elimizdegi quqyqtyq tártip pen qoǵamdyq qaýipsizdik deńgeıin odan ári arttyrý boıynsha birqatar tapsyrma berdi.
Buǵan deıin prezıdenttiń UQShU sammıti aldynda Qorǵanys mınıstrin qabyldaǵanyn jazǵan edik.
