Búgin Májilistegi úkimet saǵatynda Energetıka mınıstri Almasadam Sátqalıev munaı óndirý kólemderi josparlanǵannan tómen bolǵanyn málimdedi, dep habarlaıdy «Adyrna» tilshisi.
Ol 10 aıdyń qorytyndysy boıynsha munaı óndirý kólemi 73,5 mıllıon tonnany quraǵanyn aıtty.
«Bıylǵa arnalǵan óndiris boljamy – 88,4 mıllıon tonna. Óndiristiń josparmen salystyrǵanda tómendeýi Teńiz jáne Qashaǵan sııaqty iri ken oryndarynda kúrdeli jóndeý jumystarynyń júrgizilýimen baılanysty bolyp otyr. Sondaı-aq bul jaǵdaıǵa Qarashyǵanaq ken ornyndaǵy jospardan tys jumystyń toqtaýy men Orynbor gaz óńdeý zaýytynda gaz alýǵa shekteýler áser etti. Óndiris deńgeıiniń tómendeýine OPEK+ kelisimi boıynsha mindettemelerdiń oryndalýy da yqpal etip otyr»,— dedi ol.
Mınıstr bul máseleni sheshý úshin jetilgen ken oryndaryn, onyń ishinde salyqtyq sıpattaǵy, óndirýdiń jańa tehnologııalaryn damytýǵa jáne engizýge mindetti túrde qaıta ınvestıııalaý shartymen qoldaý sharalary ázirlengenin jetkizdi.
Aıta keteıik, buǵan deıin elimizde tórtinshi munaı óńdeý zaýytynyń qurylysy 2030 jyly bastalatynyn jazǵan edik.
