Eks-prezıdent Nursultan Nazarbaevtyń olıgarh kúıeý balasy Tımýr Qulybaev Bas prokýratýranyń aktıvterdi qaıtarý jónindegi komıtetin sotqa berdi, dep habarlaıdy «Adyrna» tilshisi QazTAG-qa silteme jasap.
«Talapker: «Qazaqstan Respýblıkasy Bas prokýratýrasynyń aktıvterin qaıtarý komıteti» respýblıkalyq memlekettik mekemesi. Jaýapker: Qulybaev Tımýr Asqaruly»,— delingen 18 qarashada bastalǵan proestiń taraptarynyń sıpattamasynda.
Is sýdıaǵa berilip, apellıaııa satysynda qaralyp jatyr. Ázirge basqa aqparattar jarııalanbady.
Aıta keteıik, buǵan deıin Qulybaev Bas prokýratýranyń aktıvterdi qaıtarý jónindegi komıtetiniń áreketine shaǵymdaný úshin birneshe ret sotqa júgingen bolatyn. Alaıda Astana qalasynyń azamattyq ister jónindegi aýdanaralyq soty onyń aryzdaryn qaıtaryp tastaǵan.
Budan aldyn Qarjylyq monıtorıng agenttiginiń basshysynyń orynbasary Jeńis Elemesov burynǵy prezıdent Nursultan Nazarbaevtyń qyzdary men kúıeý balasyna qatysty eshqandaı tergeý júrgizilmeıtinin aıtqan bolatyn. Jýyrda belgili bolǵandaı, Joint Resources qarjylyq esebine sáıkes, Tımýr Qulybaevtyń kompanııasy 39 mıllıard teńgeden astam taza paıda alǵan. Bul kompanııa energetıka, taý-ken jáne munaı salalaryndaǵy aktıvterdi basqarady.
Bıyl Tımýr Qulybaevtyń Atyraý oblysyndaǵy «Kaspıı neft» kompanııasyna 13,6 mlrd teńge aıyppul salynǵan.
«AQ-nyń 2021-2022 jyldary burǵylaý jáne ken ornyn paıdalaný qyzmetinde quralǵan 4500 tonnadan astam qaýipti qaldyqtarǵa jınaqtalý lımıtin almaǵany anyqtaldy. Prokýrordyń usynysyn qaraý nátıjesi boıynsha Atyraý oblystyq sotynyń sot alqasynyń 02.07.2024 jylǵy qaýlysymen «Kaspıı neft» AQ Ákimshilik quqyq buzýshylyq týraly kodekstiń 328-babymen ákimshilik jaýapkershilikke tartylyp, 13 684 868 730 teńge aıyppul salyndy», - dep habarlanǵan sol kezdegi aqparatta.
Al Májilis depýtaty Baqytjan Bazarbek te Tımýr Qulybaevtyń kompanııasy Almaty ákimdiginen 34 mıllıard teńge óndirip almaq nıette ekenin aıtyp, dabyl qaqqan. Depýtattyń aıtýynsha talap ál-Farabı atyndaǵy QazUÝ-dyń jerin qaıtarý isimen baılanysty bolǵan. Depýtat óz ótinishin Bas prokýratýraǵa joldaǵan.
"Sot sheshimi boıynsha bıznes ortalyq salatyn jerinen aıyrylǵan Tımýr Qulybaevtyń fırmasy Almaty ákimdigine 34 mıllıard teńge somasynda shot-faktýra jasady. Endi sottan utylǵannan keıin kompanııa bıznes ortalyqtyń qurylysyna salǵan óziniń zańsyz ınvestıııalaryn óndirip alǵysy keledi. Bul ákimdik zańsyz bergen barlyq jer ýchaskeleri jobalarǵa baılanysty", – degen edi depýtat.
2017 jylǵy 1 tamyzda Ál-Farabı atyndaǵy Qazaq ulttyq ýnıversıteti Almaty ákimdigine ál-Farabı dańǵyly, 71 mekenjaıy boıynsha jer ýchaskesiniń shekaralaryn túzetý týraly ótinishpen júgingen. Jalpy QazUÝ óz aýmaǵyn bir gektarǵa – 73,2-den 72,1 gektarǵa deıin qysqartýdy josparlaǵany aıtylady.
