Bizdiń ýaqyt degen ol UTC+5, ıaǵnı, qazaq jeriniń basym bóligi jatqan beldeýdegi ýaqyt.
Astana, Almaty, Shymkent, Semeı, Pavlodar, Óskemen, Petropavl degen úlken qalalar osy beldeýde jatyr.
Kúlli Qazaqstan halqynyń 76%-y, ıaǵnı, 15 mıllıonnan astam adam osy beldeýdiń geografııalyq saǵatymen ómir súredi.
Búgin Úkimette saýda jáne ıntegraııa mınıstri Arman Shaqqalıev ótkir málimdeme jasady.
"Keńestik kezeńde Qazaqstandaǵy saǵat 8 ret aýysqan! Jospar oryndaý kereý, soalıstik jarys uıymdastyrý kerek boldy, ekonomıkaǵa kerek boldy. Osy sebepten de biz eshqashan tabıǵı ýaqytpen júrip kórmedik. Al, qazirgi ómir súrip otyrǵan ýaqytymyz ol geografııalyq ýaqyt, tabıǵı ýaqyt. Arnaıy bilimi joq, túsinigi shamaly adamdar el ishine ártúrli áńgime taratyp, ýaqytty keri qaıtarýǵa áreket etip jatqanyn bilemin. Biraq, ol áreket zaıa. Qazirgi ýaqyttyń tıimdiligin energetıka mınıstrligi de maquldap otyr, elektr qýatyn tutynýda ózgeris joq. Densaýlyq saqtaý mınıstrligi de tolyq tekserý jasap, halyq saýlyǵyna qalaı áser etkenin qadaǵalap otyr. Sondyqtan, eldi dúrliktire bermeı, tynysh júrý kerek"- dedi Shaqqalıev.
Shyǵys Qazaqstannyń shetki aýdandary, Rıdder qalasy UTC+6 beldeýine jatady, alaıda, bir aýdan úshin bir beldeý ustaýdyń ne qajeti bar?
Keshe bir shyǵystyń adamy Qaton-Qaraǵaıdaǵy Barlyq aýylynyń bir vıdeosyn jiberipti. "Kún batyp bara jatyr, saǵat 13:45 boldy" depti.
Men aıtam: ol kún byltyr 14:45 te batty. Al, sol bir saǵattan ne ózgeredi? Ne isteı alasyń bir saǵatta?
Ózgertseń birjola 5 saǵatqa ózgert, qysta 18:45 te kún batatyn etip. Bolmasa, "14:45 te kún batatyn bolsyn" dep daý shyǵarýdyń, "byltyrǵy ýaqytty qaıtar" dep zar ıleýdiń qandaı máni bar?
Ótkende Shyǵys Qazaqstannan saılanǵany bar, saılanbaǵany bar depýtattar málimdeme jasaǵan, "úıtemiz de búıtemiz, ýaqytty keri qaıtaramyz" dep... Búgin Shaqqalıevti estidi, erteń plenarkadan keıin ne der eken.
Almas Altaı
