Kólik mınıstrligi áýe reısi keshikken jaǵdaıda aıyppuldyń 2 ese ósetinin málimdedi, dep habarlaıdy “Adyrna” ulttyq portaly.
Bul týraly “Ashyq NQA” portalynda jarııalandy.
Kólik mınıstrliginiń dereginshe, reıs mártebesiniń ózgerýine baılanysty jolaýshylarǵa qyzmet kórsetpeý jaǵdaıynda áýekompanııalardy jaýapqa tartý múmkin emes eken.
Osyǵan baılanysty ákimshilik quqyq buzýshylyq týraly kodeksiniń 567-babyna sáıkes (Tasymaldaýshynyń kinásinen reıs keshikkende nemese oryndalmaǵanda jolaýshyǵa qyzmet kórsetýdi tıisinshe oryndamaý) qaralady.
2023 jyly reısterdiń keshigýiniń 16 666 oqıǵasy tirkelgen. Al bıylǵy jyldyń qyrkúıeginde bul kórsetkish 17 827-ge jetken.
Osylaısha, reıs mártebesi ózgergen jaǵdaıda tasymaldaýshynyń óz mindetterin oryndamaýy nemese tıisti dárejede atqarylmaǵany úshin aıyppuldy 400 AEK-ke deıin ulǵaıtý usynyldy.
Ákimshilik jaza qoldanylǵannan keıin bir jyl ishinde qaıtalanǵan buzýshylyq úshin aıyppul kólemi 2000 AEK mólsherinde bolýy kerek ekeni talqylandy.
Aıta keteıik, elimizde áýe kompanııalardyń keshigýine qatysty birneshe daýly másele bolǵan edi.
