Resei Federasiiasynyŋ qazaq ūlty köp tūratyn Omby, Astrahan men Orynbor qalalarynda qazaq mektepterı salynuy mümkın, dep habarlaidy "Adyrna" Resei syrtqy ıster ministrlıgıne sıltep.
Reseidıŋ syrtqy ıster ministrı Lavrovtyŋ aituynşa, Qazaqstan Reseide üş mektep aşsa, Resei Qazaqstanda da üş mektep aşatyn bolatyn.
«Qasym-Jomart Toqaev Resei mädenietınıŋ oşaqtaryn qūruǧa qatysty mäselelerdı qozǧaǧan. Osy tūrǧyda bügın Qazaqstanda orys tılınde bılım beru qyzmetterın ūsynatyn üş bırlesken mektep qūru talqylandy. Qazaqstandyq ärıptesterımız Reseidıŋ keibır qalalarynda: Orynbor, Omby jäne Astrahanda qazaq tılınde oqytatyn osyndai bırlesken mektepterge qyzyǧuşylyq tanytty», – dedı Lavrov.
Lavrov Qazaqstan men Resei tarihyna qatysty mäselelerdıŋ ekı elde de qyzu talqylanyp jatatyn atap ötıp, osy mäselede dauly jaǧdailardy tudyrmas üşın bırlesken tarihşylar tobyn qūrylatynyn aitty.
“Resei men Qazaqstanda bızdıŋ ortaq tarihi ötkenımen jäne qazırgı tarihymen bailanysty taqyryptar periodty türde tuyndap otyrady. Osy rette, bırlesken tarihşylar tobyn qūru turaly oŋ kelısımge qol jetkızılgenın atap ötkım keledı», - degen bolatyn Reseidıŋ syrtqy ıster ministrı Sergei Lavrov Astanadaǧy Memlekettık basqaru akademiiasynyŋ Diplomatiia institutynda.
Sonymen qatar, Reseidıŋ syrtqy ıster ministrı Qazaqstanda AES salu mäselesıne qatysty öz ūsynystaryn aitqan edı.
«Resei kömektesuge ǧana emes, naqty ūsynystaryn da berıp ülgerdı», – dedı Sergei Lavrov.
Onyŋ sözınşe, Resei bilıgı Qazaqstanda AES salu mäselesıne arnalǧan referendumnyŋ barysy men nätijelerın baqylaǧan. Lavrov «Rosatom» korporasiiasy özınıŋ barlyq bılıktılıgın ūsynuǧa jäne yntymaqtasuǧa tolyqtai daiyn ekenın de atap öttı.
