Reseı Federaııasynyń qazaq ulty kóp turatyn Omby, Astrahan men Orynbor qalalarynda qazaq mektepteri salynýy múmkin, dep habarlaıdy "Adyrna" Reseı syrtqy ister mınıstrligine siltep.
Reseıdiń syrtqy ister mınıstri Lavrovtyń aıtýynsha, Qazaqstan Reseıde úsh mektep ashsa, Reseı Qazaqstanda da úsh mektep ashatyn bolatyn.
«Qasym-Jomart Toqaev Reseı mádenıetiniń oshaqtaryn qurýǵa qatysty máselelerdi qozǵaǵan. Osy turǵyda búgin Qazaqstanda orys tilinde bilim berý qyzmetterin usynatyn úsh birlesken mektep qurý talqylandy. Qazaqstandyq áriptesterimiz Reseıdiń keıbir qalalarynda: Orynbor, Omby jáne Astrahanda qazaq tilinde oqytatyn osyndaı birlesken mektepterge qyzyǵýshylyq tanytty», – dedi Lavrov.
Lavrov Qazaqstan men Reseı tarıhyna qatysty máselelerdiń eki elde de qyzý talqylanyp jatatyn atap ótip, osy máselede daýly jaǵdaılardy týdyrmas úshin birlesken tarıhshylar tobyn qurylatynyn aıtty.
“Reseı men Qazaqstanda bizdiń ortaq tarıhı ótkenimen jáne qazirgi tarıhymen baılanysty taqyryptar perıodty túrde týyndap otyrady. Osy rette, birlesken tarıhshylar tobyn qurý týraly oń kelisimge qol jetkizilgenin atap ótkim keledi», - degen bolatyn Reseıdiń syrtqy ister mınıstri Sergeı Lavrov Astanadaǵy Memlekettik basqarý akademııasynyń Dıplomatııa ınstıtýtynda.
Sonymen qatar, Reseıdiń syrtqy ister mınıstri Qazaqstanda AES salý máselesine qatysty óz usynystaryn aıtqan edi.
«Reseı kómektesýge ǵana emes, naqty usynystaryn da berip úlgerdi», – dedi Sergeı Lavrov.
Onyń sózinshe, Reseı bıligi Qazaqstanda AES salý máselesine arnalǵan referendýmnyń barysy men nátıjelerin baqylaǵan. Lavrov «Rosatom» korporaııasy óziniń barlyq biliktiligin usynýǵa jáne yntymaqtasýǵa tolyqtaı daıyn ekenin de atap ótti.
