Qaraǧandy oblysynda "Jastar taza Qazaqstan üşın! " ekologiialyq aksiiasy bastaldy.
Oǧan bırınşı bolyp Temırtau ekobelsendılerı qatysty.
100-den astam erıktı, "Jasyl el" eŋbek jasaǧynyŋ jauyngerlerı, KVN komandalarynyŋ qatysuşylary, sportşylar, sondai-aq QHA jastar qanatynyŋ ökılderı "Metallurg" qalalyq stadionynyŋ aumaǧyn tazalady. Olar basqalarǧa ülgı bola otyryp, ekologiia mäselelerıne nazar audaryp, Temırtaudaǧy qorşaǧan ortanyŋ jai-küiın jaqsartudy közdep otyr.
– Bızdıŋ basty mındetımız – jastardy ekologiialyq bastamalarǧa tartu jäne auqymdy aksiiany belsendı qoldau. Stadionda kün saiyn jattyǧular, komandalyq oiyndar ötedı. Street Workout-oiyn alaŋy keşke sporttyŋ köptegen janküierlerın jinaidy. Bügın bız sportşylar däl osy jerdı tazalaudy taŋdaǧanymyz da beker emes. Tūrǧyndardy tazalyqty qadaǧalap, sportpen şūǧyldanuǧa şaqyramyz, – deidı "Tau" sport klubynyŋ erkın küres boiynşa jattyqtyruşy-oqytuşysy Maksim Samsov.
Aksiiaǧa qatysuşylar sanitarlyq tazartu aumaǧyn keŋeitemız dep uäde berdı.
– Bızdıŋ jastar qozǧalysy ärqaşan eko bastamalarǧa qatysady. Bız jastardyŋ tazalyq pen qorşaǧan ortany qorǧauǧa degen ūmtylysy qalai qalyptasatynyn köremız. Ärı qarai, bız būl igı ıstı jalǧastyramyz! Tūrǧyndardy bızge qosyluǧa şaqyramyz, – deidı Temırtau qalasynyŋ Jastar resurstyq ortalyǧy direktorynyŋ mındetın atqaruşy Ruslan Qojekenov.
"Jastar taza Qazaqstan üşın!" – säuır aiynyŋ basynda Memleket basşysynyŋ bastamasymen ıske qosylǧan "Taza Qazaqstan" respublikalyq ekologiialyq aksiiasynyŋ jalǧasy. Temırtau boiynşa "Taza Qazaqstan" aksiiasyna 20 myŋ tūrǧyn, 300 ūjym qatysyp, saiabaqtar men gülzarlar tazalanyp, 15 myŋ tonna QTQ şyǧaryldy. Sondai-aq, 5 myŋnan astam türlı aǧaş egıldı, tarihi jäne mädeniet eskertkışterınıŋ aumaqtary jinaldy.
