Moldovanyń is basyndaǵy prezıendti Maııa Sandý prezıdent saılaýynyń ekinshi kezeńinde jeńiske jetti. Bul týraly eldiń Ortalyq saılaý komıssııasy aıtty, dep habarlaıdy «Adyrna» tilshisi.
Resmı málimetterge súıensek, daýys berýge qatysqan saılaýshylardyń 55 paıyzy Sandýdy qoldaǵan. Al eldiń burynǵy bas prokýrory Aleksandr Stoıanoglo 45 paıyz daýys jınady.
«Moldova Eýropa tarıhynda buryn-sońdy bolmaǵan shabýylǵa ushyrady. Daýysty zańsyz satyp alý, qylmystyq toptardy tartý men feık habarlamalardy taratý syndy áreketter qoǵam naryzylyǵy men qorqynyshyn týdyrdy. Dese de, biz jeńiske jettik. Birligimizdiń, demokratııamyzdyń jáne bolashaqqa degen adaldyǵymyzdyń kúshin birge kórsettik»,—dep pikir bildirdi Maııa Sandý.
Aıta keteıik, qazirgi prezıdent Maııa Sandý 20 qazanda ótken prezıdent saılaýynyń alǵashqy týrynda 42 paıyz daýyspen reseıshil Moldovanyń soıalıstik partııasynyń kandıdaty Aleksandr Stoıanoglodan basym túsken bolatyn. Buǵan deıin basshy eldiń Eýroodaqqa bet burǵanyn qalaıtynyn málimdegen edi.
Eýropadaǵy eń kedeı elderdiń biri sanalatyn Moldovada 3,02 mln saılaýshy tirkelgen.
