Qaraǧandyda mal ūrlyǧymen küresu maqsatynda ornatylǧan baqylau-ötkızu beketınde ūrlanǧan jylqylardy tasymaldaǧan jük kölıgı ūstaldy, dep habarlaidy «Adyrna» ūlttyq portaly.
Oqiǧa 2 qaraşa künı saǧat 04:00 şamasynda bolǧan. Poliseiler 57 jastaǧy jürgızuşı basqarǧan KAMAZ jük kölıgın tekseru üşın toqtatqan. Onyŋ janynda 57 jastaǧy qala tūrǧyny men 29 jastaǧy ūly bolǧan.
«Kölıktı tekseru kezınde 40 jylqy tabyldy, jürgızuşınıŋ aituynşa, olar 57 jastaǧy jolauşyǧa tiesılı. Alaida, būl azamat januarlardyŋ menşıgın rastaityn qūjattardy körsete almady. Tekseru barysynda jylqylardyŋ Aqtoǧai audanynyŋ qystaularynan Qaraǧandyǧa satuǧa jetkızılmek bolǧany anyqtaldy», - dep habarlady Qaraǧandy oblysy Polisiia departamentınıŋ baspasöz qyzmetı.Kriminaldyq polisiia qyzmetkerlerı januarlardyŋ suretterın Aqtoǧai audandyq bölımıne jäne jergılıktı auyl tūrǧyndaryna arnalǧan chattarǧa jıberdı. Suretterdı körgen auyl tūrǧyndarynyŋ bırı, attardyŋ arasynda özıne tiesılı ekı jylqyny tanyp, bırden polisiiaǧa habarlady. Qazırgı uaqytta barlyq januarlar poliseilerdıŋ qorǧauymen Üştöbe auylyndaǧy at qoraǧa uaqytşa ūstauǧa jetkızıldı. Qylmystyq ıs qozǧalyp, basqa jäbırlenuşılerdı, sondai-aq qylmysqa qatysy bar adamdardy anyqtau maqsatynda tekseru jalǧasuda.
