Densaýlyq saqtaý mınıstrligi Qazaqstanda kalıandardy satý men shegýge tolyq tyıym salý múmkindigi týraly aıtty dep, habarlaıdy «Adyrna» ulttyq portaly Tengrinews.kz-ke silteme jasap.
Tengrinews.kz redakııasynyń resmı saýalyna bergen jaýapta Densaýlyq saqtaý mınıstrligi qoǵamdyq oryndarda kalıan satýǵa tyıym salý máselesi talqylanyp jatqanyn aıtqan.
«Kalıandardyń keńinen paıdalanylýyna baılanysty retteýdi kúsheıtý qajettiligi týyndady. Kalıan tabagy men kalıan qospasyn (satý men tutyný) retteýdi kúsheıtý máselesi, sondaı-aq olardy tutynýdy tómendetý boıynsha profılaktıkalyq sharalar talqylanýda», - delingen mınıstrliktiń jaýap hatynda.
Qazaqstanda qoǵamdyq oryndarda kalıan shegýge zańmen tyıym salynǵan. Degenmen, kalıandardyń satylýyna tyıym joq, ıaǵnı kásiporyndar kalıandardy satýǵa quqyly, biraq olardy tek jeke turǵyn úılerde shegýge bolady.
«Qoldanystaǵy zańnamaǵa sáıkes retteýshilik áserge taldaý (RÁT) júrgizý qajet. Zańnamaǵa engiziletin norma jobasy, memlekettik retteýshi organnyń anyqtamasy, aıyppul mólsherin ózgertý qajettiligi qarastyrylady. RÁT aıaqtalǵannan keıin bıznes qaýymdastyq ókilderiniń qatysýymen qoǵamdyq tyńdaýlar ótedi», - dedi Densaýlyq saqtaý mınıstrligi.
Esterińizge sala keteıik, kóktemde Densaýlyq saqtaý mınıstrligi Qazaqstanda kalıanǵa tolyq tyıym salý máselesin talqylap jatqanyn málimdedi. Mınıstrlik ókilderiniń pikirinshe, qazaqstandyqtar aıyppuldardyń jetkiliksiz bolýyna baılanysty kalıan shegýge tyıym salatyn zańdy saqtamaıdy.
