Ispanııanyń Valensııa aımaǵynda nóser jaýyn men burshaq saldarynan týyndaǵan sý tasqynynan 62 adam qaza tapty, dep habarlaıdy «Adyrna» ulttyq portaly.
Bul týraly jergilikti bılik ókilderi málimdedi.
Aımaqtyq úkimet basshysy Karlos Mazonnyń aıtýynsha, zardap shekken aýdandarda qutqarý operaııasy jalǵasýda, sondyqtan naqty qaıtys bolǵandardyń sanyn anyqtaý ázirge múmkin bolmaı tur. Jergilikti BAQ Balear araldarynda da zardap shekkender men qurbandardyń bar ekenin habarlady. Qutqarý jumystaryna myńnan astam áskerı qyzmetker tartylǵan, olar tótenshe jaǵdaılar qyzmetine kómektesýde.
Ispanııa koroli Fılıpp VI áleýmettik jeli paraqshasynda sý tasqyny kólemine tań qalǵanyn jazyp, apat qurbandarynyń týystary men jaqyndaryna shyn júrekten kóńil aıtty.
Ispan meteorologtarynyń málimetinshe, Valensııada segiz saǵat ishinde 491 mm jaýyn-shashyn túsken, bul kólem shamamen bir jyldyq normanyń mólsherine sáıkes keledi.
Áleýmettik jelilerde sý tasqynynyń kópirler men kólikterdi aǵyzyp áketkeni, al adamdardyń keıbir jaǵdaılarda aǵashtarǵa shyǵyp, sý tasqynynan qutylýǵa tyrysqany kórsetilgen beıneler jarııalanýda.
Kúshti jel elektr symdaryn úzgendikten, Valensııadaǵy 150 myńnan astam úı jaryqsyz qaldy. Elektr energııasyn jetkizýshi Iberdrola kompanııasy nashar aýa-raıyna baılanysty jóndeý jumystarynyń biraz ýaqyt alatynyn habarlady.
Valensııaǵa qonýy tıis keıbir áýe reısteri toqtatyldy nemese basqa aımaqtarǵa baǵyttaldy. Aımaqtaǵy temirjol qatynasy da tolyqtaı toqtatyldy.
Jergilikti BAQ habarlaýynsha, Valensııanyń ondaǵan turǵyny kómek kútip, búkil túndi kólikterinde, shatyrlarda jáne kópirlerde ótkizgen. Keshe bılik kem degende jeti adamnyń Valensııa men ońtústik-shyǵystaǵy Albasete provınııasynda joǵalǵanyn málimdedi.
