Oqý-aǵartý mınıstrligi Jambyl oblysyndaǵy oqıǵaǵa baılanysty mádemdeme jasady, dep habarlaıdy "Adyrna" ulttyq portaly.
«Atalǵan faktiler boıynsha quramynda Jambyl oblysy Bala quqyqtary jónindegi ýákil, bilim basqarmasy, QR Oqý-aǵartý mınıstrliginiń aýmaqtyq departamentiniń ókilderi bar arnaıy jumys toby quryldy.
Jumys toby aýtodestrýktıvtik minez-qulyqtyń aldyn alý maqsatynda Túımekent aýylynda ornalasqan meken-jaılardy aralaý arqyly mektep oqýshylarynyń ata-analaryna psıhologııalyq profılaktıka júrgizip, osy syndy oqıǵalardy boldyrmaý úshin arnaıy keńes ótkizdi. Bilim berý uıymdaryndaǵy psıhologııalyq qyzmettiń jumysy zertteldi. Jasóspirimderdiń otbasylaryna psıhologııalyq qoldaý kórsetildi. Sondaı-aq, balalardyń jeke paraqshalary zerttelip, oıyndarǵa qatysy bolýy anyqtalǵan joq. Jasóspirimder býllınge ushyramaǵan. Qazirgi tańda atalǵan faktiler boıynsha qylmystyq is qozǵalyp, quqyq qorǵaý organdary tergeý amaldaryn júrgizýde», – dep jazady mınıstrlik.
Jambyl oblysy Baızaq aýdanyna qarasty Túımekent aýylynda qazannyń 26 kúni 15 jasar, al 27 kúni 16 jastaǵy oqýshy asylyp qaıtys bolǵan edi. Bul týraly áleýmettik jeli qoldanýshysy Nuradın Rahaı óz paraqshasynda jazǵan bolatyn.
