29 qazan kúni saǵat 11:00-de Almaty qalasyndaǵy «Mercure» qonaq úıinde Almaty qalasy Din isteri jónindegi basqarmasynyń qoldaýymen «JASTAR» damytý ortalyǵy jastar qoǵamdyq birlestigi uıymdastyrǵan marapattaý rásimi ótti, dep habarlaıdy «Adyrna» ulttyq portaly.
Bul is-sharada din salasynyń mańyzdy máseleleri boıynsha birneshe nomınaııalar boıynsha úzdik materıaldar ázirlegen azamattar marapattaldy. Baıqaý sáýir aıynda bastalyp, qazan aıyna deıin jalǵasyp, 6 aı ishinde 220-dan astam materıal qabyldanǵan bolatyn.
Usynylǵan jumystar zaıyrlylyq, toleranttyq, konfessııaaralyq kelisim, qazaq halqynyń rýhanı qundylyqtary, dástúr men din, patrıotızm, Otanǵa degen mahabbat, sondaı-aq radıkaldy dinı ıdeologııanyń, dinı ekstremızm men terrorızmniń zııandylyǵy sekildi mańyzdy taqyryptardy qamtydy. Rásim barysynda 10 nomınaııa boıynsha úzdikter marapattaldy, olardyń ishinde: DIGITAL ART sheńberindegi úzdik foto joba, úzdik óleń, úzdik úndeý jáne uran, úzdik pikir, taqyryptyq post, úzdik maqala, orys tilindegi úzdik maqala, úzdik beınerolık, TikTok-taǵy úzdik beınerolık, úzdik áleýmettik beınerolık.
Jıyndy Almaty qalasy Din isteri jónindegi basqarma basshysynyń orynbasary Aıdarbekuly Álimbek jáne Jastar damytý ortalyǵy jastar qoǵamdyq birlestiginiń tóraǵasy Muratbaev Qanybek quttyqtaý sózderimen ashty. «Júırikten júırik ozar jarysqanda», demekshi, bul baıqaýdy uıymdastyrýdaǵy basty maqsatymyz – dinı ekstremızmge qarsy tıimdi aqparattyq materıaldar ázirlep, olardy qoǵamǵa qoljetimdi etý, sonymen qatar qazaq halqynyń rýhanı qundylyqtaryn dáripteý, dástúr men dinge, Otanǵa degen mahabbatty arttyrý», – dep atap ótti Álimbek Aıdarbekuly.
Jarystyń jalpy júlde qory 3 mıllıon teńgeni qurady. Qatysýshylarǵa yntalandyrý retinde 100 000 teńge somasyndaǵy qosymsha qarjy bólingen. Negizgi júldeler 250 000, 300 000 jáne 350 000 teńgeden berildi, al yntalandyrý syılyqtary 50 000 teńgeni qurady.
«Qatysýshylar arasynda QazUÝ, Nur-Múbárák, sekildi iri oqý oryndarynan kelgen stýdentter de boldy. Birinshi jáne ekinshi kýrs stýdentteri úshin bul júlde olardyń bolashaqqa degen senimin nyǵaıtyp, dinı taqyryptarda jumys isteýge degen yntasyn oıatty. «Júlde qory stýdentter úshin úlken motıvaııa boldy, ásirese, jańadan oqýǵa túsken jastar úshin. Kópshiligi jeńisin estigende óte qatty qýandy. Biz de osyndaı sharany qaıta uıymdastyrýǵa nıettimiz», – deıdi «JASTAR» damytý ortalyǵynyń tóraǵasy Muratbaev Qanybek.
Bul baıqaý jastar arasynda dinı saýattylyqty arttyryp qana qoımaı, olardy rýhanı qundylyqtarǵa jaqyndatyp, patrıottyq sezimderin nyǵaıtýǵa yqpal etti. Júlde qory men marapattar stýdentter úshin zor motıvaııaǵa aınalyp, olardy qoǵamdaǵy ózekti máseleler boıynsha belsendi pikir qalyptastyrýǵa, zaıyrlylyq pen konfessııaaralyq kelisimdi qoldaýǵa shabyttandyrdy.
Osyndaı baıqaýlar din salasyndaǵy turaqtylyqty nyǵaıtyp, qazaq halqynyń dástúrleri men mádenıetin dáripteýge yqpal etetin mańyzdy qadam. Uıymdastyrýshylardyń aıtýynsha, bul bastama aldaǵy jyldary da jalǵasyn taýyp, jastar arasynda destrýktıvti ıdeologııalarǵa qarsy turatyn jańa jobalardy qoldaýǵa baǵyttalmaq.
