Reseı Qazaqstandy tranzıt tarıfi boıynsha Eýrazııalyq ekonomıkalyq odaq (EAEO) týraly sharttyń bazalyq qaǵıdatyn buzdy dep aıyptady, dep habarlaıdy «Adyrna» ulttyq portaly.
«Komıssııa Qazaqstan Respýblıkasynyń aýmaǵynda júk tasymaldaýǵa arnalǵan temirjol tarıfteriniń kóterilýi sebepti tasymal kólemderiniń qysqarýyn nazarǵa aldy. Reseı tarapynyń pikirinshe, óz sheshimimen qazaqstandyq tarap tranzıttik tasymaldarǵa birizdendirilgen tarıfterdi qoldaný bóliginde EAEO týraly sharttyń bazalyq qaǵıdatyn buzdy», - delingen Qazaqstan men Reseı arasyndaǵy yntymaqtastyq jónindegi Úkimetaralyq komıssııanyń 25-shi otyrysynyń hattamasynda.
Aıta keteıik, hattamaǵa áli qol qoıylǵan joq.
Jaǵdaıdy retteý úshin, uzaq merzimdi áreket etetin bos vagondardy tasymaldaýǵa qatysty konvenııalyq shekteýlerge baılanysty, RJD jáne "QTJ-Júk tasymaly" kompanııalary 2024 jylǵy 21 maýsymda kelisilgen ótinim boıynsha bos vagondardyń qozǵalysy týraly kelisimge qol qoıdy. Bul kelisimniń iske asyrylýy konvenııalyq tyıymdardyń sanyn azaıtýǵa kómektesedi. Taraptar atalǵan kelisimniń erejelerin taraptardyń aqparattyq júıelerinde tehnıkalyq iske asyrý boıynsha jumysty jalǵastyrýǵa ýaǵdalasty.
Qazaqstandyq taraptyń aqparaty boıynsha, QTJ UK AQ tarıftik talaptarynyń ózgerýi ekonomıkalyq negizdelgen shyǵyndardy jabý jáne temirjol ınfraqurylymyn damytý qajettiligine baılanysty EAEO týraly sharttyń normalaryna, sondaı-aq, QR ulttyq zańnamasyna qaıshy kelmeıdi.
«QR ulttyq zańnamasyna sáıkes «QTJ»UK» AQ júk tasymaldary úshin shekaralyq stanııalardaǵy ınfraqurylym tarıfterin ózgertý quqyǵyna ıe. Infraqurylym tarıfteriniń ózgerýi QR «Tabıǵı monopolııalar týraly» zańyna sáıkes júzege asyrylady. Sonymen qatar, 2024 jyldyń 16 sáýirinen bastap «QTJ»UK» AQ ınfraqurylym tarıfteriniń keıbir júk túrlerine qatysty deńgeıi «RJD» AAQ tarıfterinen aspaıdy, osylaısha QR aýmaǵy arqyly tranzıttik kólemderdiń joǵalý táýekelderin azaıtady», - delingen hattamada.
Reseı tarapy EAEO kelisiminiń tarıftik júıeler arasyndaǵy mindetti sáıkestik qarastyrylmaıtynyn atap ótti.
«EAEO týraly shartqa sáıkes árbir múshe memlekettiń aýmaǵy boıynsha tasymaldaýdy júzege asyrý kezinde osy shartqa múshe memleketterdiń tutynýshylarynyń temirjol kóligi qyzmetterine qoljetimdiligin qamtamasyz etý tutynýshylarǵa arnalǵan qolaıly sharttardan kem bolmaýy tıis. «QTJ «UK» AQ-nyń tarıfterdi kóterý týraly sheshimi EAEO memleketteriniń temirjol tasymaldaryn QR aýmaǵy arqyly tranzıtpen júzege asyrý kezinde Qazaqstan tutynýshylarymen salystyrǵanda teńsiz tarıftik sharttar týyndatty, sebebi olar tómengi ishki tarıftermen tasymaldardy júzege asyrady», - dep málimdedi Máskeý.
Osy máseleni talqylaý nátıjesinde EEK-tiń ishki naryqtardy fýnkıonaldaý departamenti Qazaqstan tarapynan temirjol tarıfterine qatysty baǵa shekterin qoldaný jóninde EAEO kelisiminiń normalaryn buzýlar anyqtalmaǵanyn atap ótti.
