Izraıl ádeıi Iran aýmaǵyndaǵy mańyzdy energetıkalyq nysandardyń aınalasyndaǵy áýe shabýylyna qarsy qorǵanys (ÁShQQ) júıelerine soqqy jasady, biraq tikeleı nysanalarǵa soqqy bermedi, dep habarlaıdy «Adyrna» ulttyq portaly. Bul týraly 26 qazan kúni The New York Times gazeti aty-jónin ataýdy qalamaǵan ırandyq jáne ızraıldik sheneýnikterge silteme jasap, málimdedi.
Irandyq úsh sheneýnik pen Izraıl Qorǵanys mınıstrliginiń joǵary laýazymdy úsh ókiliniń aıtýynsha, Izraıl qorǵanys armııasynyń (AHAL) maqsaty Hýzestan provınııasyndaǵy Bandar Imam Homeını munaı-hımııa kesheni janyndaǵy, Bandar Imam Homeını iri portyndaǵy, Abadan munaı óńdeý zaýyty men Ilam provınııasyndaǵy gaz ken ornyndaǵy áýe qorǵanys júıeleri bolǵan.
The New York Times basylymyndaǵy Irandaǵy derekkózder Izraıldiń áýe qorǵanys júıelerin joıýy Tegeranda «tereń alańdaýshylyq» týdyrǵanyn atap ótti. Óıtkeni budan bylaı mańyzdy energetıkalyq nysandar bolashaqta bolýy múmkin shabýyldarǵa óte osal kúıde.
Izraıl sheneýnikteri NYT-ke bergen suhbatynda Izraıldiń alǵashqy jaýap jospary Irannyń ıadrolyq jobasyna qatysty nysandarǵa soqqy berýdi qamtıtynyn rastady. Alaıda, Amerıka Qurama Shtattarynyń turaqty usynystaryna baılanysty bul qadamnan bas tartý týraly sheshim qabyldandy. Vashıngton Taıaý Shyǵystaǵy jaǵdaıdyń kúrt shıelenisý qaýpi joǵary bolǵandyqtan, Izraıldiń Irannyń munaı jáne ıadrolyq qondyrǵylaryna shabýylyn qoldamaıtynyn atap ótti.
Irannyń ıadrolyq nysandaryna zııan tıgizbegeni týraly aqparatty Atom energııasy jónindegi halyqaralyq agenttiktiń (MAGATE) basshysy Rafael Grossı buǵan deıin rastaǵan bolatyn.
Irandaǵy MAGATE ınspektorlary qaýipsiz jáne «mańyzdy jumystaryn jalǵastyrýda», - dep jazdy Grossı X áleýmettik jelisinde. Sondaı-aq, ol «ıadrolyq jáne basqa radıoaktıvti materıaldarǵa qaýip tóndiretin áreketterge» qatysty saqtyq pen ustamdylyqqa shaqyrdy.
Izraıl qorǵanys armııasy (IDF) 26 qazanǵa qaraǵan túni Iranǵa birqatar áýe shabýyldaryn jasady. Izraıl áskerıleri bul jarylystar Iran men onyń odaqtastarynyń sońǵy aılardaǵy kóptegen shabýyldaryna jaýap boldy dep málimdedi. Tańerteń IDF zymyran shyǵaratyn kásiporyndarǵa, zymyran keshenderine jáne basqa da áskerı qondyrǵylarǵa «dál soqqylar» jasaǵan operaııanyń sátti aıaqtalǵany týraly esep berdi.
Iran qarýly kúshteri Izraıldiń shabýyly saldarynan Iran armııasynyń eki qyzmetkeriniń qaza tapqanyn habarlady. Iran qarýly kúshteriniń habarlamasynda áýe shabýylyna qarsy qorǵanys kúshteri Izraıldiń shabýylyn toıtarǵany, biraq keıbir aımaqtarda zalal kelgeni aıtylǵan.
