Memleket basshysy Qasym-Jomart Toqaev qazaqstandyqtardy Respýblıka kúnimen quttyqtady, dep habarlaıdy “Adyrna” ulttyq portaly.
«Barshańyzdy Respýblıka kúnimen shyn júrekten quttyqtaımyn!
Ulttyq mereke halqymyzdy myzǵymas qundylyqtar tóńiregine toǵystyryp, jalpyulttyq biregeıligimizdi nyǵaıta túsýge yqpal etedi.
Biz berekeli birlik pen yrysty yntymaqtyń arqasynda asa kúrdeli syn-qaterlerdi eńserip, aýqymdy ózgeristerdi júzege asyryp kelemiz. Qoǵamdaǵy zań men tártip, azamattardyń eńbekqorlyǵy men kásibı biliktiligi qazirgi reformalardyń berik tiregine ári qozǵaýshy kúshine aınaldy. Biz bolashaqqa nyq senimmen qarap, Ádiletti Qazaqstandy qurý jolynda naqty qadamdar jasaı beremiz.
Elimizdiń erteńi qandaı bolatyny árbir otandasymyzǵa baılanysty ekeni anyq. Azamattarymyz osy qasterli jaýapkershilikti tereń túsinip, memlekettigimizdi nyǵaıtýǵa óz úlesin qosady dep senemin.
Sizderge zor densaýlyq, tolaıym tabys jáne baq-bereke tileımin!», - delingen quttyqtaýda.
