Tatarstanda ūly qazaq aqyny jäne oişyly Abai Qūnanbaiūlynyŋ biustı aşyldy, dep habarlaidy "Adyrna" ūlttyq portaly.
Būl turaly Qazaqstannyŋ Mädeniet jäne aqparat ministrlıgı habarlady.
«Tatarstan astanasynda ūly qazaq aqyny jäne filosofy Abai Qūnanbaiūlynyŋ biustın saltanatty türde aşu räsımı öttı», – delıngen habarlamada.Şara Qazaqstan Prezidentınıŋ 2024 jylǧy 22-24 qazan aralyǧynda BRİKS memleketterı basşylarynyŋ XVI sammitıne qatysu üşın Qazan qalasyna jasaǧan jūmys sapary aiasynda ūiymdastyrylǧan. Saltanatty şaraǧa Qazaqstan Respublikasynyŋ Mädeniet jäne aqparat ministrı Aida Balaeva, Tatarstan Respublikasynyŋ Mädeniet ministrı İrada Aiupova, Qazan qalasyndaǧy Qazaqstan Respublikasynyŋ Bas konsuly Erlan Ysqaqov, Tatarstan Jazuşylar odaǧynyŋ töraǧasy Rkail Zäidullin, sondai-aq qala jūrtşylyǧy men qazaqtardyŋ ūlttyq-mädeni avtonomiiasynyŋ ökılderı qatysty. Ūly oişyldyŋ eskertkışı Qazan qalasynda Nazarbaev jäne Kachalov köşelerınıŋ qiylysynda ornatyldy. Biusttıŋ avtory – Qazaqstan suretşıler odaǧynyŋ müşesı, müsınşı Nūrbol Qaliev. Aita keteiık, qazaq basşysy Abai – älemdık auqymdaǧy alyp tūlǧa. Onyŋ şyǧarmalary bükıl adamzattyŋ asyl mūrasyna ainaldy. Älemnıŋ tükpır-tükpırınde Abai Qūnanbaevtyŋ eskertkışterı bar.
Ūqsas jaŋalyqtar
