2024 jyldyń 23 qazanynda BUU Bas hatshysy Antonıý Gýterrısh Reseıdiń Qazan qalasyna XVI BRIKS sammıtine qatysý úshin keldi. Bas hatshyny qala meri Ilsýr Metshın qarsy aldy. Bul sammıtke 36 eldiń jáne alty halyqaralyq uıymnyń ókilderi qatysýda, dep habarlaıdy «Adyrna» ulttyq portaly.
Sammıt aıasynda birneshe joǵary deńgeıli kezdesýler ótýde. Atap aıtqanda, Reseı prezıdenti Vladımır Pýtın men Qytaı tóraǵasy Sı zınpınniń Qazan Kremlinde ótken kezdesýi halyqaralyq turǵyda nazar aýdartty.
Sammıt barysynda saýda, ekonomıka, tehnologııa, sondaı-aq jańa jahandyq ekonomıkalyq júıeni qurý máseleleri talqylandy. Tatarstan óz kezeginde qonaqtardy ulttyq dástúrlermen tanystyryp, joǵary deńgeıdegi ulttyq taǵamdar usynyp, mádenı baǵdarlamalar uıymdastyrdy.
BUU Bas hatshysynyń sammıtke qatysýy álemdik saıasatta úlken rezonans týdyrdy. AQSh Memlekettik departamenti bul qadamdy erekshe atap ótip, BUU-nyń Reseıdiń Ýkraınaǵa basyp kirýine qarsy ustanymyn eske saldy. AQSh Memlekettik departamentiniń ókili Vedant Patel atap ótkendeı, Amerıka Qurama Shtattary BRIKS-tiń keıbir elderimen, sonyń ishinde Brazılııa, Úndistan jáne Ońtústik Afrıkamen ekijaqty negizde jaqsy qarym-qatynastar ornatqan. Sonymen qatar, Qytaımen básekelestikti basqarý mańyzdy maqsat retinde qarastyrylýda, al Reseıge qatysty Vashıngton agressııaǵa qarsy ustanymyn saqtaıtynyn málimdedi.
Aıta ketý kerek, BUU Bas hatshysy budan aldyn Shveıarııa uıymdastyrǵan Ýkraına máselesi boıynsha "Beıbitshilik sammıtine" qatyspaǵan edi.
BRIKS sammıti 24 qazanǵa deıin jalǵasady jáne onyń nátıjeleri jahandyq ekonomıkalyq jáne saıası sahnadaǵy negizgi baǵyttarǵa yqpal etýi múmkin.
