Almaty oblysy polıııa departamentiniń jańa basshysy taǵaıyndaldy, dep habarlaıdy «Adyrna» ulttyq portaly IIM baspasóz qyzmetine silteme jasap.
Ishki ister mınıstri Erjan Sádenov Almaty oblysy polıııa departamentiniń basshylyǵymen ótken jedel keńeste polıııa departamentiniń jańadan taǵaıyndalǵan basshysyn jeke quramǵa tanystyrdy.
«Qazaqstan Respýblıkasy Prezıdentiniń Ákimshiligimen kelise otyryp, Ishki ister mınıstriniń buıryǵymen Meıram Ábikeev oblystyq polıııa departamentiniń bastyǵy bolyp taǵaıyndaldy», - delingen IIM habarlamasynda.
Buǵan deıin bul qyzmetti atqarǵan Baýyrjan Alenov 7 qazanda ol ishki ister mınıstriniń birinshi orynbasary bolyp taǵaıyndaldy.
Ishki ister mınıstrliginiń basshysy jedel-tergeý tobynan Talǵar aýdanyndaǵy kámeletke tolmaǵan balanyń ólimine qatysty isti tergeý barysyn bólek tyńdady. Qorytyndysy boıynsha naqty tapsyrmalar berildi.
Polıııa polkovnıgi Meıram Ábikeev buǵan deıin Soltústik Qazaqstan oblysy polıııa departamenti bastyǵynyń orynbasary bolǵan.
Oblystyq departament bastyǵynyń birinshi orynbasary bolyp Baǵdat Áshimov taǵaıyndaldy.
Ákimniń birinshi orynbasary Nurlan Ábdirahymov, ardagerler keńesiniń tóraǵasy Jumaǵalı Býembaev jáne qoǵamdyq keńestiń tóraǵasy Eskeldi Qasymov Meıram Ábikeevti jaqsy biletinderin aıtyp, mınıstrge ony qyzmetke taǵaıyndaǵany úshin alǵysyn bildirdi.
Jedel keńestiń qorytyndysy boıynsha mınıstr óńirdegi quqyqtyq tártipti qorǵaý jáne qoǵamdyq qaýipsizdikti qamtamasyz etý jóninde naqty tapsyrmalar berdi.
