Túrik professory Daron Adjemoglý men brıtandyq ǵalymdar Saımon Djonson jáne Djeıms Robınson 2024 jylǵy ekonomıka salasyndaǵy Nobel syılyǵynyń ıegerleri atandy. Olar memlekettik ınstıtýttardyń eldiń órkendeýi úshin qanshalyqty mańyzdy ekenin kórsetti, dep habarlaıdy «Adyrna» tilshisi.
«Zań ústemdigi nashar qoǵam men halyqty qanaýshy ınstıtýttar ekonomıkalyq ósýdi nemese oń ózgeristerdi qamtamasyz ete almaıdy. Bul ǵalymdardyń zertteýleri munyń nelikten bolatynyn jaqsyraq túsinýge kómektesedi»,—dedi Shveııa ǵylym akademııasy.
Túrkııalyq zertteýshi Daron Adjemoglý Nobel syılyǵynan keıingi baspasóz máslıhatynda demokratııany qoldaıtyn toptar jınaǵan derekter álemniń túkpir-túkpirindegi qoǵamdyq ınstıtýttar men zań ústemdiginiń álsiregenin kórsetedi degen málimdeme jasady.
Eske salaıyq, 2023 jylǵy ekonomıka boıynsha Nobel syılyǵyn Garvard ýnıversıtetiniń amerıkalyq professory Klaýdıa Goldın jumys kúshindegi áıelderdiń orny týraly eńbegi úshin jeńip alǵan bolatyn.
