Ánshi, kompozıtor, Qazaqstannyń eńbek sińirgen qaıratkeri Ramazan Elibaev qaıtys boldy, dep habarlaıdy “Adyrna” ulttyq portaly.
Ramazan Elibaev 1947 jyly dúnıege kelgen. Ol — belgili qazaq ánshisi jáne kompozıtory, «Nurekem», «Tumarym», «Janym-aý», «Ne paıa» ánderiniń avtory jáne oryndaýshysy.
«Kózder» -aı», «Jas ulan», «Balalyq qaıran bal shaǵym», «Kóńil kúıi» t.b. «Gúlder» ansambliniń quramynda túrli halyqaralyq baıqaýlar men festıvalderdiń laýreaty. Qazaqstan Respýblıkasynyń eńbek sińirgen qaıratkeri.
Qazaq sahnasynyń sańlaǵyna aınalǵan ártis qazir 15 jyldan asa ýaqyt óner áleminen alystap ketken edi. Ol bir jyl buryn 3-dárejeli "parkınson" dertine shaldyqqanyn aıtyp, halyqtan kómek suraǵan.
Ýaqytsha dáriniń kúshimen kún kórgen ártis 11 qazan kúni ómirden ótti. Óner qaıratkeriniń qazasy týraly habardy balalary jarııalady.
Marqumnyń janazasy 13 qazan kúni Astana qalasyndaǵy Respýblıkalyq bas meshitte shyǵarylady.
